తూలిన తక్కెడ- క్రిష్ణ వేణి

‘It is better that ten guilty persons escape than that one innocent suffer’: English jurist William Blackstone.
picture-2It is better to let 100 criminals go free than to imprison one innocent man: Benjamin Franklin.

పైనున్న సూత్రాలన్నిటినీ మన న్యాయవ్యవస్థ నమ్ముతుంది.

ఇప్పుడు మన జైళ్ళ పరిస్థితి చూస్తుంటే ఇవన్నీ హాస్యాస్పదవైనట్టుగా అనిపించి, వీటిలో ఎంత శాతం నిజమా! అన్న అనుమానం కలుగుతుంది.

ఈ సంవత్సరమే వెలుగులోకి వచ్చి, మీడియాలో సంచలనం సృష్టించిన ఇద్దరి దృష్టాంతాలని చూద్దాం.

ఒకరు నిస్సార్ అహ్మద్.

ఇతను ఇప్పుడు స్వేచ్ఛగా ఊపిరి పీల్చుకుంటున్నప్పటికీ, కారాగారవాసపు నేలమాగిళ్ళ చీకటి అతని యౌవనాన్ని కబళించి వేసింది. ఇప్పటి ఇతని జీవితంలో, గతపు ఛాయలు కూడా లేవు. జైల్లో తనున్న ఆ ఇరవై మూడేళ్ళూ, తన ఉనికినే రూపుమాపాయంటాడితను.

జనవరి 15 న, 1994 లో హైదరాబాదు పోలీసులు వచ్చి కర్నాటకా పోలీసులకి తెలియపరచకుండానే, నిస్సార్ని అతని గుల్బర్గా ఇంటినుంచి పట్టుకుని, అరెస్టు చేసి తీసుకువెళ్ళారు. అప్పుడతను ఫార్మసీ రెండో సంవత్సరం చదువుతుండాలి. 15 రోజుల్లో అతని పరీక్షలు. 20 ఏళ్ళు కూడా నిండలేదు. బాబ్రీ మసీదు విధ్వంసపు సమయాన్న డిసెంబరు 6 న, 1993 లో జరిగిన ఏపి ఎక్స్ ప్రెస్ బాంబు బ్లాస్టుల కేసులో నిస్సార్ నేరస్థుడనీ, ఇద్దరు ప్రయాణీకుల మరణానికీ, 11 మంది గాయపడ్డానికీ అతనే కారణం అనీ ఆరోపించారు. రైల్లో బాంబులు పెట్టానని కస్టడీలో ఉన్నప్పుడు అతను ఒప్పుకున్నాడని పోలీసులు పిడివాదం చేస్తూ, తమ మాటలకి చట్టపరమైన అంగీకారం పొందడానికి అతని మీద TADA కూడా వేశారు.

ఇప్పుడతనికి 43 సంవత్సరాలు.

ఈ మధ్యకాలం 8,150 రోజులు అతను జైల్లో గడిపాడు.

అతనికి విరుద్ధంగా ఉన్న సాక్ష్యం చెల్లదని ఇన్నేళ్ళ తరువాత సుప్రీమ్ కోర్టు ప్రకటించి, అతన్ని విడుదల చేసింది. ఆ సంతోషమైన వార్త ఇంకెవరైనా వింటే, సంతోషం పట్టలేకపోయి ఉండేవారు కానీ నిస్సారు మాత్రం తను సజీవంగా ఉన్న శవాన్ని మాత్రమే అనుకున్నాడు. ఏ అపరాధం చేయకుండా జైల్లో గడిపి వచ్చిన మనిషికి ఇంటికి చేరేటంతవరకూ, తనెవరో, ఎక్కడ ఉన్నాడో, బతికే ఉన్నాడో లేదో కూడా తెలియలేదు. నిస్సార్ అన్న బతికే ఉన్నాడు. తండ్రి భూమిమీద లేకుండా పోయాడు. తల్లి కంటపడ్డప్పుడు ఆమె తన తల్లనీ, తను బతికే ఉన్నాడనీ అతను గుర్తించాడు. ఆమెని పట్టుకుని ఏడవడం తప్ప అతనింకేమీ చేయలేకపోయాడు.

అతని మాటల్లో, ‘నా చెల్లెలి వయస్సప్పుడు 12. ఇప్పుడామె కూతురికి పన్నెండేళ్ళు. నా కసిను నాకన్నా రెండేళ్ళు చిన్నది. ఇప్పుడామె నాన్నమ్మ. ఒక పూర్తి తరాన్ని నేను కోల్పోయాను.’

రెండవ వ్యక్తి మొహమద్ అలీ ఖాన్.

ఇతను కటకటాల వెనక 14 సంవత్సరాలున్నాడు. చెప్పనలవిగాని అన్యాయంతో కూడిన వ్యధాభరితమైన కథ ఇతనిది. తన యౌవనాన్ని హరించిన ఆ సంవత్సరాల గురించీ, నందితా హస్కర్‌తో కలిపి ఇతను రాసిన కథలో- ఇతని ఓర్పూ, ప్రేమా, ఆశా కనబడతాయి. ఒక తీవ్రవాదిగా ముద్రించబడ్డాడు.

తనికి 20 సంవత్సరాలుండగా, ఒక శీతాకాలపు సాయంత్రాన్న, 1998 ఫెబ్రవరీలో పాత ఢిల్లీ గల్లీలో ఇంటి దగ్గిరే మందులు కొనడానికి వెళ్ళాడు. సాదా బట్టల్లో ఉన్న పోలీసులు ఖాన్ని పట్టుకుని ఒక టార్చర్ గదికి తీసుకువెళ్ళి, నగ్నంగా వేళ్ళాడదీసి, ఎలెక్ట్రిక్ షాకులిచ్చారు. ముస్లిమ్ వ్యతిరేకపు తిట్లూ, బెదిరింపులూ ఎదురుకున్న తరువాత, ఆఖరికి ఇతను లొంగిపోయి అనేకమైన ఖాళీ పత్రాలమీద సంతకం పెట్టడానికి ఒప్పుకున్నాడు. ఫలితం! 19 టెర్రర్ నేరాలు మోపబడ్డాయి. ఒక పీడకల ఇక్కడనుండీ ప్రారంభం అయింది.

తరచూ తీహార్, ఘాజియాబాద్ జైళ్ళల్లో ఉంచబడిన సమయంలో ఖాన్‌కి బయట లోకంతో ఉన్న సంబంధం అసంఖ్యాకమైన కోర్టు విచారణల ద్వారా మాత్రమే. ఒక టెర్రర్ కేసులో నిర్దోషి అని వదిలిపెడితే, మరొకటి మొదలయేది. జైల్లో రాత్రిపూట పోలీసుల బూట్ల చప్పుడూ, కనిపించే టవరు వెలుతురూ తప్ప ఆ గోడల మధ్యే తన జీవితం అంతం అవుతుందనుకున్నాడితను.

నిర్బంధం, ఒంటరితనం, క్రూరమైన/అమానవీయమైన జైలు పరిస్థితికన్నా ఎక్కువగా- బయట తన తల్లితండ్రులు పడుతున్న బాధని నిస్సహాయంగా చూడటం ఖాన్ని ఎక్కువ బాధపెట్టింది.

ఇతన్ని విడిచిపెట్టేటప్పటి కాలానికి, 9/11 సంఘటనా, పార్లమెంటుమీద దాడీ వల్ల జైళ్ళల్లో సంఖ్య ఎక్కువవుతున్న ముస్లిమ్ ఖైదీలని జైలర్లు బాహాటంగా తిట్టడం మొదలుపెట్టారు.

ఒక చలికాలపు సాయంత్రం ఇతన్ని విడుదల చేశారు.

ఇతని పుస్తకం ‘Framed As A Terrorist’ లో ఉన్న కొన్ని హృదయవిదారకమైన భాగాలు- ఈ 14 ఏళ్లల్లో ప్రపంచం ఎంత మారిపోయిందో, అని ఇతను వర్ణిస్తున్నవి. ఇంటర్నెట్ వచ్చిందనీ, మొబైల్ ఫోన్లు ఉన్నాయనీ ఖాన్ నేర్చుకున్నది జైలునుండి బయటపడ్డాకే. గతంలో ఇతనికి దూర్ దర్శన్ తప్ప ఇన్ని ఛానెళ్ళు ఉన్నాయని కూడా తెలియదు.
అప్పటికే ఇతని తల్లి జబ్బుతో మంచంమీద ఉంది. ‘ఆఖరి సంవత్సరాల్లో తన తల్లిని దగ్గర ఉండి చూసుకునే అదృష్టం ఉన్నందుకు అల్లాకి తను ఎంతో కృతజ్ఞుడినని’ ఖాన్ అంటాడు. చిన్ననాటి ప్రియురాలు ఆలియా ఇతనికోసం ఇన్నేళ్ళూ వేచి ఉంది. ఇప్పుడు వీళ్ళిద్దరికీ ఒక కూతురు.

ఈ వ్యక్తులిద్దరినీ కేసుల్లో ఇరికించిన అధికారులమీద ఇప్పటివరకూ, ఏ కేసూ లేదు. ఆ అంశంమీద అసలొక్క మాటా లేదు.
వందమంది నేరస్థులు తప్పించుకున్నాకానీ, ఒక్క నిర్దోషి కూడా చిక్కుకోకూడదనీ లేకపోతే అది అన్యాయం అనీ, మనం ఇన్నాళ్ళూ వింటూ వస్తున్నవి ఒత్తుత్తి మాటలేనా!

బ్రిటిష్ కాలంలో కనీసం ఒక పదేళ్ళ లోపలైనా ఒక కేసు తీర్పు వచ్చేది. ఇప్పుడు పరిస్థితి ఇంకా కనాకష్టం అయి, ఖైదీలు జైళ్ళల్లో చాలాకాలం గడపడం పరిపాటయిపోయింది. చాలామంది నేరం ఇంకా నిరూపించబడలేదు. వారికి వ్యతిరేకంగా, ఏ సాక్ష్యమూ లేదు.

సంస్థలకి ‘అధికారం/శక్తి’ అన్న వ్యసనం పట్టుకున్నప్పుడు, వారు ఎవరినైనా పట్టుకుని జైల్లో పెట్టి, వారి జీవితాన్ని నాశనం చేయగలరు. రాజకీయ పరిపాలన ప్రకారం, ఆ ఖాదీకెంత ప్రాప్తమో అన్నది, అతను హిందువో, ముస్లిమో లేకపోతే అతని పట్ల, ఆ సమయంలో, ఏ రాజకీయ పార్టీ ఆసక్తి చూపిస్తోందో అన్నదానిమీద ఆధారపడుతుంది.

తీవ్రవాదులంటూ, ముస్లిమ్ కుర్రాళ్ళని పట్టుకుని జైళ్ళలో పెడుతున్న సందర్భాలు చాలా ఉన్నాయి. ఆ తరువాత ఎందరో అబ్బాయిలు అమాయకులని తేలింది.

ఎలాంటి వాతావరణం సృష్టించబడుతోందంటే, భయం వల్ల వారిని ఎవరూ సమీపించరు. సామాజికంగా వారు వెలి వేయబడతారు.

పోలీసులకి తోచినప్పుడల్లా, ఎవరినైనా పట్టుకుని జైల్లో వేసేయగలరా! అది కూడా- 23/14 సుదీర్ఘ సంవత్సరాల పాటు!

పోలీసు కస్టడీలో అపరాధంగీకారమే కేసుకి ప్రారంభమూ. అంతమూ కూడా అంటారు ఎడ్వొకేట్ నిత్యా రామక్రిష్ణన్.

ఎవరినైనా కటకటాల వెనక్కి నెట్టడం ఇంత సులభమా! మన సంస్థల విశ్వసనీయత ఇదే కనుక అయితే, గతంలో ఇలాగే, ఇంకెవరికో కూడా జరిగి ఉండదని మనం ఎలా నమ్మగలం? ఈ అధికారులు ఏ ముస్లిమ్ మీద, ఏ సిక్కు మీద, ఏ క్రైస్తవుని మీద తమ ఈ అధికారాన్ని చూపారో- మనం ఎలా తెలుసుకోగలం!

పోలీసులకి సామర్థ్యత లేకపోతే, రాజకీయ వేత్తలనుండి వచ్చే వత్తిడి తట్టుకునేటందుకు ఎవరినో ఒకరిని పట్టుకోవడం పరిపాటే. దీనికి టెర్రరిస్మ్ ఎక్కువున్న ప్రాంతాలవారు అనువుగా దొరుకుతారు. ఇక్కడ నిస్సార్ అయినా ఒక నీలేశ్ అయినా కూడా తేడా ఉండదంటూ మీడియా వాదించినప్పటికీ, నీలేశ్ అనే వ్యక్తి ఈ పరిస్థితిలో చిక్కుకోవడం అంత సామాన్యం కాదే!
మిగతా దేశాలలా కాకుండా, ఇక్కడ మన పోలీసులు ప్రజల రక్షణకోసం ఉన్నట్టు లేదు- రాజకీయ నేతలకి తప్ప.

అమాయకులని జైల్లో పెట్టి, వారి జీవితాల్లో అతి ముఖ్య భాగం అయిన యౌవనాన్ని హరించిన న్యాయశాస్త్రం, వారు కోల్పోయిన వారి జీవితపు అతి ముఖ్యమైన సంవత్సరాలని తిరిగి అందివ్వగలదా! వారిని సమాజంలో యధాస్థానానికి తేగలదా? వారి పిల్లలు విద్యావంతులు అవగలరా! లేకపోతే, తమకి జరిగిన అన్యాయానికి ప్రతీకారం తీర్చుకోడానికో, పేదరికం వల్లో, సమాజ బహిష్కారం వల్లో టెర్రరిస్టులు అవతారా? అనుమానమే.

ఏ విధమైన హింసనైనా ఆరికట్టాలి, నిజమే. కానీ, అమాయకులు వలలో చిక్కుకున్నప్పుడు, ప్రభుత్వం కిరాతకమైన చట్టాలనీ, అనుచితమైన క్రియలనీ అవలంబించినప్పుడు, మానవ గౌరవానికే దెబ్బ తగులుతుంది. మనం శాంతి ప్రేమికులమి కానీ మనమైనా, మన కుటుంబంలో ఎవరైనాకానీ, కటకటాల ఊచలు లెక్కపెట్టడం ఎంతమాత్రం సంతోషం కలిగించదు.

-క్రిష్ణ వేణి

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

కాలమ్స్, కృష్ణ గీతPermalink

30 Responses to తూలిన తక్కెడ- క్రిష్ణ వేణి

  1. Krishna Mohan Mocherla says:

    కృష్ణ వేణి గారు ఇలాంటి ఇన్సిడెంట్స్ ప్రపంచ వ్యాప్తంగా జరుగుతూనే ఉంటాయి అమెరికా లో కూడా. వ్యవస్థలో ఉన్న లొసుగులు మనుషుల బలహీనతలు, సమాజము లో ఉన్న సాధారణ అభిప్రాయముల వలన చాలా మంది నిర్దోషులు విధివంచితులు అవుతూనే ఉన్నారు.

    • Krishna Veni Chari says:

      క్రిష్ణ మోహన్ మోచెర్లగారూ,
      నిజమే మీరు చెప్పినది.
      కానీ వ్యవస్థలో ఉన్న లోటుపాట్ల/మనుషుల బలహీనతల వలన నిర్దోషులు విధివంచితులు అవడం నిజంగా బాధాకరమైన సంగతే. 🙁
      ఓపికగా చదివి, కామెంటు పెట్టినందుకు కృతజ్ఞతలు.

  2. కిరణ్ కుమార్ says:

    ఎప్పటిలానే మంచి సామాజిక అంశంపై చక్కటి వ్యాసం రాశారు.

    కేసు విచారణ పూర్తి చెయ్యడానికి కావలసిన సమయానికి పరిమితి విధించే చట్టం చేస్తే ఇలాంటివి జరగకుండా ఉండే అవకాశం ఉంది. ఆ పరిమిత సమయంలో నేరాన్ని రుజువు చెయ్యలేని పక్షంలో నిందితుడిని వదిలి వెయ్యాలి.

    • Krishna Veni Chari says:

      కిరణ్ కుమార్ గారూ,
      వెల్కమ్ బాక్. 🙂
      చాలా నెలలలకి మీ కామెంటు కనిపించింది. ఎక్కడున్నారిన్నాళ్ళూ?
      ‘కావలసిన సమయానికి పరిమితి విధించే చట్టం’- వస్తే ఇంకేం కావాలి? అది ఉత్తమం.
      శిక్షా పరిమితికి గల సగ భాగం శిక్ష పూర్తి చేసినా, విడుదలయే అవకాశం ఉంది మామూలుగా అయితే, అది టెర్రర్ నేరస్థులకే వర్తించదు తప్ప.

  3. “ఇక్కడ నిస్సార్ అయినా ఒక నీలేశ్ అయినా కూడా తేడా ఉండదంటూ మీడియా వాదించినప్పటికీ, నీలేశ్ అనే వ్యక్తి ఈ పరిస్థితిలో చిక్కుకోవడం అంత సామాన్యం కాదే!”

    నీలేశ్ అనే వ్యక్తి ఈ పరిస్థితిలో చిక్కుకోవడం అంత సామాన్యం ఎందుకు కాదు? ఈ దేశంలో అక్రమమైన కేశుల్లో ఇరుక్కున్న వాళ్ళందరూ కేవలం హైందవేతరులే అని మీరు ఎలా నిర్ధారిస్తారు. ఇది పాఠకులను తప్పుదోవ పట్టించటమే అవుతుంది.

    ముస్లిం యువకులలో కొందరు తప్పుడుకేసుల్లో ఇరుక్కున్నారని మీరు మీ వ్యాసంలో వాపోతున్నారు. కాని తప్పుడుకేసుల్లో నిరాధారులైన వాళ్ళు సామాన్యులు అన్ని రకాలవాళ్ళూ అంటే అన్నిరకాల సామాజికనేపథ్యం కలవారూ నిత్యం ఇరుక్కుంటూనే ఉన్నారు.

    • Krishna Veni Chari says:

      తాడిగడప శ్యామలరావుగారూ,
      హైందవేతరులు- అని నేను నిర్ణయించడం లేదు. This is general consensus. నేను పేర్కొన్న వ్యక్తులిద్దరి సంగతీ ఈ సంవత్సరం మార్చిలో బయటకి వచ్చినప్పటినుంచీ మీడియాలో ( తెలుగు ఛానెళ్ళ/వార్తాపత్రికల విషయం నాకు తెలియదు) చాలా పెద్ద ఎత్తునే, చర్చా కార్యక్రమాలు అయాయి.
      మీరు చెప్పిన ‘అన్నిరకాల సామాజిక నేపధ్యం కలవారు’ ఇన్నేళ్ళు ఏ నేరం చేయకుండా ఇన్ని దశాబ్దాలు జైళ్ళల్లో మగ్గలేదు- ఇరుక్కుంటున్నారు, నిజమేకానీ, కొన్నాళ్ళ తరువాత వదిలివేయబడుతున్నారు కూడా. ముస్లిమ్స్‍ గురించి వారు తెర్రరిస్టులని చిత్రీకరించడం చాలా సామాన్యం అయిపోయింది.
      నన్ను నేను సమర్థించుకోడానికి నేను చదివిన/చూసిన ఇలాంటి లింకులెన్నయినా ఇవ్వగలను.
      ఇలాంటి వీడియోలేన్నో/ఆర్టికల్స్‍ ఎన్నో ఉన్నాయి.
      https://www.youtube.com/watch?v=4yrzKElxFn4
      https://www.youtube.com/watch?v=71uBE8-pR5Q
      ఓపికగా చదివి కామెంటు పెట్టినందుకు దన్యవాదాలు. 🙂

  4. శ్రీనివాసుడు says:

    కృష్ణవేణి గారూ!

    మనదేశంలో న్యాయవ్యవస్థ గొప్పదనాన్ని చెప్పడానికి ఉగ్రవాద నిందితుల ఉదాహరణలే చెప్పనక్కర్లేదేమో. అదే మతానికి చెందిన సల్మాన్ ఖాన్; అసదుద్దీన్, అక్బరుద్దీన్ ఒవైసీ లు కూడా ఆ గొప్పదనాన్ని ఉపయోగించుకుని అత్యంత ఘోరమైన నేరాలు చేసినా తమ మతం కారణంగా, ధనం కారణంగా, రాజకీయ కారణంగా బయట స్వేచ్ఛగానే తిరుగుతున్నారు.
    ముస్లిం గనక రాజ్యం పక్షపాతంగా చూస్తుంది అని ప్రతి కేసుగురించి చెప్పే అతి గొప్ప ఉదారవాద, వామపక్ష మేధావులు నడిపే, వ్రాసే పత్రికలలో త్రాగి కారు నడిపి పేవ్ మెంట్ మీద నిద్రపోయే అభ్యాగులను చంపేసిన, కృష్ణజింకలని అమానుషంగా వేటాడిన సల్మాన్ ఖాన్ ఆ న్యాయవ్యవస్థని ఉపయోగించుకుని ఒక్క క్షణం కూడా జైలులో గడపకుండా అతివేగంగా బెయిల్ ప్రక్రియని పూర్తి చేసుకుని బయటకి వచ్చి, దాని తరువాత నిర్దోషిగా బయటపడిన సంఘటన గురించిగానీ, ముస్లింలు నిందితులుగా వున్న ఏ ఒక్క కేసు, సంఘటన గురించి వ్యతిరేకంగా ఎవరూ ఒక్క మాట కూడా వ్రాయని, వ్రాయలేని నిష్పక్షపాత, మానవత్వ వాతావరణం మనది.

    2.45 లక్షల విచారణ ఖైదీలు కొన్ని పదుల ఏళ్ళనుండి జైళ్ళల్లో మ్రగ్గుతున్నారు. ఈ ముస్లిం ఉగ్రవాద నిందితుల గురించే కాకుండా వాళ్ళ గురించి కూడా వ్రాస్తే సంతోషం.

    మతాన్ని బట్టి మనదేశంలో న్యాయవ్యవస్థ పనిచేస్తుంది అనేది భ్రమ. మీకు డబ్బు, పలుకుబడి, మతం కార్డు వుంటే ఏ వ్యవస్థనయినా ప్రభావితం చేయవచ్చని మీకు తెలియని విషయం కాదు.

    నేను ఆ అమాయక నిందితుల గురించి వ్యతిరేకతతతో వ్రాయడంలేదు. అందరు ముస్లింలనీ ఉగ్రవాదులుగా చూడడం ఏ విధంగా అతి ఘోరమైన పనో, అందరు ముస్లింలనీ, లేదా అందరు హిందువులనీ పరిశుద్ధాత్మలుగానూ, అమాయక పౌరులుగానూ వాళ్ళలో ప్రతివాళ్ళ తరఫున మానవ హక్కుల పేరుతో భావించి పోరాడడం కూడా అంతే ఘోరమైన పని.
    …..శ్రీనివాసుడు.

    • Krishna Veni Chari says:

      శ్రీనివాసుడు గారూ,
      మీరు చెప్పిన సల్మాన్ ఖాన్ సంగతి పూర్తిగా వేరు.
      మతం ఒక్కటే కాదు కారణం. జయలలిత ఎన్నేళ్ళు తన మీదున్న కేసులని తప్పించుకోగలిగిందో అందరికీ తెలుసు. ఆవిడకి మతం కార్డేదీ లేదు. కీలకమయిన విషయం-మీరు చెప్పిన ‘ధనం, రాజకీయం.’ ఇలాంటివాళ్ళందరికీ డబ్బూ పరపతీ ఉన్నాయి కనుక వీరే మతానికి చెందినా, ఏ కేసులోనీ చిక్కుకోరు. వీరు జైళ్ళల్లో నామమాత్రంగా తప్ప గడపలేదు. కాబట్టి, మహా అయితే మనకి అయిష్టం కలగవచ్చు కానీ వీరి పట్ల సానుభూతికానీ బాధ కానీ కలిగే ఆస్కారం ఉండదు.
      ‘మతాన్ని బట్టి మనదేశంలో న్యాయవ్యవస్థ పనిచేస్తుంది’-ఒక్క పేద ముస్లిముల కేసులో మాత్రమే అది అన్వయిస్తుందేమో మరి!
      >ముస్లామ్ ఉగ్రవాద నిందుతుల గురించి కాకుండా మొదట ‘ఎన్నో ఏళ్ళుగా జైళ్ళల్లో మగ్గుతున్న విచారణ ఖైదీల’ గురించే రాయడం ప్రారంభించాను ముందు-స్వాతంత్ర దినోత్సవం నాడు చీఫ్ జస్టీస్ ఠుక్రాల్ మన దేశంలో జడ్జీల కొదవ ఎంతగా ఉందో అన్న స్పీచు ఇచ్చినప్పుడు, నేనూ చాలా భావోగ్వేదానికి లోనయి. ఆ తరువాత, మళ్ళీ అది మన ప్రభుత్వం హెడ్స్ ని విమర్శిస్తున్నట్టనిపిస్తుందేమో అన్న సందేహంతో టాపిక్ మార్చేశాను.
      ‘ముస్లింలనీ ఉగ్రవాదులుగా చూడడం’- దురదృష్టవశాత్తూ, అది ఈ మధ్య చాలా సామాన్యం అయిపోయింది.
      పోనీ నేను ‘ముస్లిమ్ “ అన్న మాటే ఉపయోగించలేదనుకోండి. అప్పుడు కూడా ఒక వ్యక్తి ఏ నేరం చేయకుండా, తన ప్రైమ్ వయస్సుని నాలుగుగోడలమధ్యా గడపడానికి ఏ ఎక్స్ప్లనేషను ఇచ్చి సమర్థించగలం మనం?
      ‘ప్రతీ హిందువూ పరిశుద్ధాత్మ’- అవడం అసంభవం, నిజమే.
      చాలా ఓపికగా చదివి, వివరమైన కామెంటు పెట్టినందుకు కృతజ్ఞతలు.

      • శ్రీనివాసుడు says:

        ‘‘‘ఒక వ్యక్తి ఏ నేరం చేయకుండా, తన ప్రైమ్ వయస్సుని నాలుగుగోడలమధ్యా గడపడానికి ఏ ఎక్స్ప్లనేషను ఇచ్చి సమర్థించగలం మనం? ’’
        కచ్చితంగా నేను సమర్థించడంలేదు. అందుకే నేను 2.45 లక్షల అండర్ ట్రయల్స్ ఖైదీల గురించి అడిగాను.,

        ‘ప్రతీ హిందువూ పరిశుద్ధాత్మ’- అవడం అసంభవం, నిజమే. అన్నారు మీరు. నేను రెండూ వ్రాసాను ముస్లింలు, హిందువులు అని, కానీ, మీరు ’హిందువు‘ అని మాత్రమే మిగిల్చారంటే ’ప్రతి ముస్లిమూ పరిశుద్ధాత్మ‘ అని మీ ఉద్దేశమా?
        నేను చాలా స్పష్టంగా, ‘‘అందరు ముస్లింలనీ ఉగ్రవాదులుగా చూడడం ఏ విధంగా అతి ఘోరమైన పనో, అందరు ముస్లింలనీ, లేదా అందరు హిందువులనీ పరిశుద్ధాత్మలుగానూ, అమాయక పౌరులుగానూ వాళ్ళలో ప్రతివాళ్ళ తరఫున మానవ హక్కుల పేరుతో భావించి పోరాడడం కూడా అంతే ఘోరమైన పని’’, అని వ్రాస్తే ‘‘ప్రతి హిందువూ పరిశుద్ధాత్మ అవడం అసంభవం’’ అని మీరు సమాదానమివ్వడం ఆశ్చర్యంగా వుంది.

        పేద ముస్లిమే కాదు, పేద హిందువు, పేద దళితుడు, పేద క్రైస్తవుడు, ఎవరికీ ఈ న్యాయవ్యవస్థలో న్యాయం జరగడంలేదని మీకు తెలియదా? న్యాయం జరగకపోవడంలో అందరినీ సమానంగా మన వ్యవస్థ ఆదరిస్తున్నప్పుడు మీరు ముస్లిం ఖైదీల గురించే వ్రాయడం, మతం కార్డు ప్రయోగించడం సబబా?

        ఎంతో సహనంతో నా ప్రశ్నను చదివి సమాధానం ఇచ్చినందుకు నా కృతజ్ఞతలు.
        ..

      • శ్రీనివాసుడు says:

        కృష్ణవేణి గారూ!
        విచారణ జరగకుండా, తప్పుడు విచారణలతో మ్రగ్గిపోయేవాళ్ళు, న్యాయవ్యవస్థ అలసత్వం మూలంగా జీవితాన్ని కోల్పోతున్నవాళ్ళలో ప్రతి మతం వాళ్ళువున్నారు. “అన్యాయం చేయడంలో మతాన్ని బట్టి న్యాయవ్యవస్థ పని చేయడంలేదు” అని నేను చెబితే పనిచేస్తుంది అని మీరు దాన్ని అన్వయించుకున్నారు.
        పేద ముస్లిం అయినా, పేద హిందువు అయినా, పేద దళితుడయినా, పేద క్రైస్తవుడయినా ఒకే విధంగా న్యాయవ్యవస్థ అలసత్వానికి, అన్యాయానికి గురవుతున్నారు. మీరు కేవలం ముస్లిం ఖైదీల విషయమే తీసుకోవడంలో మీ ఆంతర్యమేమిటి?
        నేను చాలా స్పష్టంగా “అందరు ముస్లింలనీ ఉగ్రవాదులుగా చూడడం ఏ విధంగా అతి ఘోరమైన పనో, అందరు ముస్లింలనీ, లేదా అందరు హిందువులనీ పరిశుద్ధాత్మలుగానూ, అమాయక పౌరులుగానూ వాళ్ళలో ప్రతివాళ్ళ తరఫున మానవ హక్కుల పేరుతో భావించి పోరాడడం కూడా అంతే ఘోరమైన పని.” అని వ్రాసాను. కానీ, మీరు ఆ వాక్యంలో ఒక భాగాన్నే తీసుకుని, ‘‘‘ప్రతీ హిందువూ పరిశుద్ధాత్మ’- అవడం అసంభవం, నిజమే.‘‘ అని వ్రాసారే. అలా పాక్షికంగా నేను చెప్పినదాన్ని చెప్పడంలో మీ ఉద్దేశం ప్రతి ముస్లిం పరిశుద్ధాత్మ అనా? వివరించగలరు.

        మీ విశ్వాసాలతో, అభిప్రాయాలతో నేను ఏకీభవించకపోవచ్చు. అలాగే నా విశ్వాసాలతో, అభిప్రాయాలతో మీరు ఏకీభవించనక్కరలేదు. అయితే ఒక స్పష్టతకోసం అడుగుతున్నాను. ప్రతి హిందువూ పరిశుద్ధాత్మ అవడం అసంభవం అని మీరు చెప్పినప్పుడు ముస్లింల గురించి మీ అభిప్రాయం కూడా చెప్పడం నిష్పక్షపాతంగా వుంటుంది. ఒక మతాన్ని మాత్రమే మీరు ఎత్తిచూపినప్పుడు, ఒక మతానికే ప్రభుత్వం, న్యాయవ్యవస్థ కొమ్ముకాస్తుందనే అభిప్రాయం మీకున్నప్పుడు మిమ్మల్ని ప్రశ్నించే అవకాశం మాక్కూడా వుంటుంది.
        …శ్రీనివాసుడు.

        • Krishna Veni Chari says:

          శ్రీనివాసుడుగారూ,
          “ప్రతీ హిందువూ పరిశుధాత్మ”-అవును, నిజమే. ‘ఏ మతం వ్యక్తయినా’ అని రాసి ఉండవలిసినది. ‘పేద హిందువు, పేద దళితుడు, క్రైస్తవుడు’-దీనికి సమాధానంగా నా కాలములో భాగం అయిన ఈ వాక్యాలని మీరు మిస్ అయారనుకుంటాను.
          “”అయితే, గతంలో ఇలాగే, ఇంకెవరికో కూడా జరిగి ఉండదని మనం ఎలా నమ్మగలం? ఈ అధికారులు ఏ ముస్లిమ్ మీద, ఏ సిక్కు మీద, ఏ క్రైస్తవుని మీద తమ ఈ అధికారాన్ని చూపారో- మనం ఎలా తెలుసుకోగలం!””
          ఏది అన్యాయం అనిపిస్తే/చూస్తే, అదే రాస్తాను తప్ప నేను మతం/కులం కార్డులని ఉపయోగించను.
          అవును, మీరు చెప్పినది పూర్తిగా నిజం. ప్రతీ ఒక్క సంగతితోనూ అందరం ఏకీభవించవలిసిన అవసరం అస్సలు లేదు. కాకపోతే, ఇక్కడ మీరూ నేనూ చెప్తున్నవి వేరువేరేమీ కావు. వ్యక్తపరచడంలోనే అపార్థాలు తప్ప.
          శ్రద్ధగా చదివి, మీ నిరాశని కూడా తెలిపినందుకు ఎన్నో కృతజ్ఞతలు మీకు.

        • Krishna Veni Chari says:

          ..శ్రీనివాసుడుగారూ, పొరపాటున, మీ వేరే కామెంటుకి ముందు సమాధానం రాశాను దీనికి కాకుండా. అవును, మన దేశంలో జడ్జీల కొరత ఉన్నందువల్ల, ఎంతోమంది జైళ్ళల్లో మగ్గుతున్నారు-న్యాయం దొరకకా, తీర్పుతీర్చే తీరిక జడ్జీలకి లేకపోవడం వల్లా.
          నేను కాలమ్ రాసిన ప్రతీసారీ నేను రాసిన ప్రతీసారీ రాయకపోయిన బాక్ అప్ ఎక్కువ ఉంటుంది. మీరు చెప్పిన, జైళ్ళలో మగ్గుతున్న ఖైదీల గురించీ, వారికి న్యాయం దొరకడం ఆలశ్యం అవుతోందని చీఫ్ జస్టీస్ ఠాకుర్ (మొదటి కామెంట్లో ఆయన పేరు తప్పుగా రాశాను) వెళ్ళబుచ్చిన ఆక్రోశం మీరీ వీడియో క్లిప్పులో చూసే అవకాశం ఉంది.
          https://www.youtube.com/watch?v=YNVO-q-44NE
          ఇకపోతే, మీరన్నారే- ఇలా జైళ్లల్లో మగ్గడానికి కులం, మతం దళితులూ-తేడా లేదని! లేదు- తప్పక సంబంధం ఉంది. ఇది నేను చెప్తున్నది కాదు. ఈ కేసులు బయటకి వచ్చినప్పుడు మీడియాలో హోరెత్తింది. నేనీ స్టోరీని చాలా జాగ్రత్తగానే ఫాలో అయాను. అన్నీ కాదు కానీ ఒక లింకిస్తాను. వీలయినప్పుడు చదువుతారని ఆశ.
          సిక్కులకి జర్గుతున్న అన్యాయమూ తక్కువేమీ కాదు.
          http://www.indiaspend.com/cover-story/hindus-least-likely-to-be-jailed-sikhs-christians-most-likely-60350

        • Krishna Veni Chari says:

          శ్రీనివాసుడుగారూ,
          నేను ఏంటీ హిందూని అస్సలు కాను.
          చీఫ్ జస్టీస్ ఠాకురే ప్రభుత్వాన్ని విమర్శించలా లేనిది, దీనిమీదే రాయడానికి నేనెందుకు వెనకాడానో ఇప్పుడు నాకే అర్థం కావట్లేదు. అయినప్పటికీ, మీకు సమాధానంగా వీటన్నిటిలో ఉన్న ఫాక్ట్స్ అన్నిటినీ ఉదహరించలేక, లింకులే ఇస్తున్నాను.
          చదవమని మనవి.
          http://muslimmirror.com/eng/why-unfair-to-muslims-indian-judicial-systems-needs-to-answer/
          http://www.hindustantimes.com/india/hindus-least-likely-to-be-jailed-sikhs-christians-most-likely/story-Og4PhnhYsPlVLJglKyeOKL.html
          http://timesofindia.indiatimes.com/india/36-of-Maharashtras-prisoners-are-Muslims/articleshow/13750117.cms
          http://timesofindia.indiatimes.com/india/36-of-Maharashtras-prisoners-are-Muslims/articleshow/13750117.cms
          http://indianexpress.com/article/india/india-news-india/ncrb-data-21-undertrials-lodged-in-jails-are-muslims/
          సహనంగా సమాధానాలు రాస్తున్నారన్నదానికి కృతజ్ఞతలు. కాలమ్ రాసినదాన్ని నేనే కనుక ఆ బాధ్యతా నేదే కదా మరి! మీరిలా టాపిక్ ఫాలో అవుతున్నందుకు మీకే నేను కృతజ్ఞతలు చెప్పాలి. థేంక్యూ. 🙂

          • శ్రీనివాసుడు says:

            కృష్ణవేణి గారూ!
            మీకు కూడా కొన్ని లింకులు ఇస్తున్నాను. వీలుంటే తప్పక చూడండి.
            Indian democracy unfair to Muslims: Shabana Azmi ఈ అంశంపై వ్యాఖ్యలు

            timesofindia.indiatimes.com/usrmailcomment.cms?msid=3371893&usrmail=radharajan7@gmail.com&mailon_commented=1

            As an Indian Muslim, what kind of discrimination did you ever face?

            https://www.quora.com/As-an-Indian-Muslim-what-kind-of-discrimination-did-you-ever-face
            దాదాపు 60 మంది వివరంగా పై ప్రశ్నకు తమ జీవితానుభవాలను వ్రాసేరు, చూడండి.

            What problems are Muslims facing in India?

            https://www.quora.com/What-problems-are-Muslims-facing-in-India

            నేనిచ్చిన లింకులలోని సామాన్య జనం చెప్పింది సబబా, కాదా అనే వివయాన్ని మీ విచక్షణ కే వదిలేస్తున్నాను.

            లేదూ, ’’సామాన్య ప్రజలలో ఏ విచక్షణా లేదు, రాజ్యానికే వుంది‘‘ అని మీరు కచ్చితంగా నాకు తేల్చి చెబితే అది మరో చర్చ అవుతుంది. దాన్ని మొదలు పెడదాం.

            తరువాత, ముఖ్యమైన విషయం ఏమంటే, నా దృష్టిలో నిజమైన ముస్లిములు ఈ వెబ్ సైట్ లో వ్రాసేవారు, దాని లంకె కూడా ఇస్తున్నాను.
            ముస్లిముల యొక్క నేటి దీనావస్థకు వారిలో వున్న మత ఛాందసవాదమే ప్రధాన కారణమని నా అవగాహన. దాన్ని చీల్చి చెండాడుతున్న ఈ వెబ్ సైట్ చూడండి.

            http://www.newageislam.com/radical-islamism-and-jihad/tufail-ahmad,-new-age-islam/the-ideology-of-exodus-%E2%80%93-the-fleeing-of-hindus-from-kairana/d/107606

            Collin Anthony Spears, Connoisseur of Random Facts from East Asian History to Population Genetics అనే వ్యక్తి శాస్త్రీయంగా అసలు ముస్లిముల పట్ల వివక్ష ఎందుకు చూపిిస్తున్నారో వారి అభిప్రాయంలో చెప్పారు

            Why is there discrimination among Muslims?
            https://www.quora.com/Why-is-there-discrimination-among-Muslims

            అలాగే హమీద్ దల్వాయ్ పేరు వినేవుంటారు, అయన రచనలు, జీవితం కూడా చదవండి. ముస్లిం సమాజంలో మార్పు అవసరమా, అవసరమయితే అది ఎలా జరగాలి అనేది మీకు కొంత అవగాహన కలిగే అవకాశం వుంటుంది.
            రామచంద్రగుహ కు అభిమాన రచయిత హమీద్ దల్వాయ్

            Remembering Hamid Dalwai, and an age of questioning
            http://archive.indianexpress.com/oldStory/1957/

            WIT AND WISDOM OF HAMID DALWAI’
            A SECULAR MUSLIM
            http://www.hvk.org/publications/hvk/wit.html

            On Hamid Dalwai’s Fuel

            http://middlestage.blogspot.in/2006/09/on-hamid-dalwais-fuel.html

            हमीद दलवाई Hamid Dalwai
            http://hamiddalwai.blogspot.in/2011/12/remembering-hamid-dalwai-and-age-of.html

            मुस्लिम सत्यशोधक मंडळ​
            (Muslim Satyashodhak Mandal)
            HAMID DALWAI STUDY CIRCLE

            http://www.muslimsatyashodhak.org/hamid-dalwai-study-circle

            ఇవి నాకు తెలిసిన, నేను చదివిన, వివేకవంతమైన విశ్లేషణలు అనిపించిన అనేక వేల వ్యాసాలలో కొన్ని మాత్రమే.

            తోకచుక్క లేదా tail piece :
            “ప్రతీ హిందువూ పరిశుద్ధాత్మ’- అవడం అసంభవం, నిజమే.” అని కరాఖండీగా, ఢంకా బజాయించి చెప్పిన మీరు అదే ఊపులో, ‘‘ప్రతి ముస్లిం పరిశుద్ధాత్మ అవడం అసంభవం’’ అనలేకపోయారు. అది కూడా మీరు మనస్ఫూర్తిగా అనగలిగితే మీరు ఎంచుకున్న విషయానికి, మీ అంతరాత్మకు న్యాయం చేసినట్లవుతుందని నా భావన.

            • Krishna Veni Chari says:

              శ్రీనివాసుడుగారూ,
              కాలమ్ మొదలుపెట్టేముందు ఈ విషయానికి ఉండే ప్రోస్ అండ్ కాన్స్ ని వెతికినపుడు
              సోఫియా రంగ్వాలా వృత్తాంతం నేను ముందరే చదివాను. లింకుకని థేంక్యూ.
              కానీ అదే లింకులో ఉన్న సయద్ నసీర్ చెప్తున్న మాటలు మీకు భిన్నంగా కనబడ్డం లేదూ? కొసకి అతనూ మార్చాడనుకోండి తన స్టేట్మెంటుని. అలాగే అఝార్ ఖాన్ కూడా. ఫయిజ్ ఖాన్, ఫర్జీన్ మొహమ్మద్ anonymous చెప్పినవి కూడా చూడండి. Quite contrary to what you stated about there being no discrimination.
              మొదటి లింకులో Shabana Azmi said Indian politics has been unfair to Muslims and despite Indian secularism Muslims are discriminated against-అని ఉంది.!!! మరి ఆమె చెప్తున్నదేమైనా వేరా?
              Collin Anthony Spears- ముస్లిమ్స్ కి తమమతం గురించి తెలియనే తెలియదనీ వారే రేసిస్టులనీ, తమలో తమకే వర్గాల ఆధారంగా విద్వేషాలున్నాయనీ తీసిపారేస్తున్నారు.
              నేను రామచంద్ర గుహ పుస్తకాలని-కొన్నిటిని చదివాను.
              Hamid Dalwai Dalwai’s focus was on the secondary status of women in Indian Islam….
              The abandoned victims of oral divorce moved him to launch a campaign for reforms in Muslim personal law,
              ఈ విషయానికి సంబంధించి నేను గతంలో విహంగకే రాసిన ఒక ఆర్టికల్ లింకిది. వీలయినప్పుడు చదవగలరు.
              http://vihanga.com/?p=17125
              ‘’’It is an old habit of Indian Muslims to blame Hindus for their woes. However, the Indian Muslim intelligentsia has never really been critically introspective. ….
              Hindu communalists should not continue to make the tragic blunder of mistaking every Muslim for a communalist. “
              మీరిచ్చిన లింకులన్నిటినీ చదివాను. కానీ ‘అనేక వేల వ్యాసాలలో మీకు కనిపించిన వివేకవంతమైన విశ్లేషణలు అనిపించిన’ వేటిల్లోనీ ముస్లిములు జైళ్ళల్లో అకారణంగా, ఏ నేరం చేయకుండానే దశాబ్దాలు ఎందుకు గడుపుతున్నారో అన్న ప్రసక్తే లేదు. బేసిక్గా నా కాలమ్లో నేను ప్రస్తావించినది అది తప్ప ఈ dogmas కావు. వీటి గురించి అందరికీ ఒక ఐడియా ఉంది-నాలాగానే. నేను కాలమ్లో చెప్పినది చాలా సింపిల్ ఫార్మాట్లో ఉంది. అది అర్థం చేసుకోవడం కూడా సులభమే.
              “ప్రతి ముస్లిం పరిశుద్ధాత్మ అవడం అసంభవం’’ –పోనీ అంత పొడుగు కామెంటెందుకని నేను అలక్ష్యమూ చేసి ఉండొచ్చు, అదంత ముఖ్యమైనది కాదనుకుని మరచిపోయీ ఉండవచ్చు. నేనెలా చెప్పానా అన్నదంత ముఖ్యం కాదనుకుని ఉండావచ్చు. దీన్లో మనస్ఫూర్తీ , అంతరాత్మా, న్యాయం- అవన్నీ ఉంటాయన్నది నా ఊహకి కూడా అందలేదు మీరు చెప్పేవరకూ.
              పోనీ, ఇప్పుడు చెప్తాను- ప్రతి ముస్లిం పరిశుద్ధాత్మ అవడం అసంభవం’’
              మీరు అన్న‘’ సామాన్య జనం చెప్పింది’, నేను చెప్పినదీ ఒకటే కదా మరి? తేడా ఏమిటి? అర్థం కాలేదు.
              ఓఫికగా టాపిక్ ఫాలో అవుతున్నందుకు కృతజ్ఞతలు.

              • శ్రీనివాసుడు says:

                కృష్ణవేణి గారూ!
                షబానా అజ్మీ లింకులో నేను మీకిచ్చినది ఆ వ్యాసం కాదు, దానికి వచ్చిన కామెంట్ల లింకు, ఆ కామెంట్లలోని వారు షబనా ఆజ్మీని సహేతుకంగానే ఖండించడం కనిపిస్తుంది.

                ఇక, కోరా లింక్లో, వ్రాసిన వారిలో నేను ముస్లింలనే పరిగణనలోనికి తీసుకుంటున్నాను. ( ముస్లిం అనానిమస్ లతో సహా) ఎందుకంటే మిగతావారిలో సంఘపరివార్ వ్యక్తులుంటారేమో కదా?
                వారిలో Iqbal షేఖ్ అనే వ్యక్తి తప్పితే మిగతావారంతా వి ఆర్ ప్రౌడ్ ఇండియన్స్ అనే అంటున్నారు. వారిలో చాలా కొద్దిమంది ఒకటి రెండు అతి స్వల్ప సంఘటనలు మినహా మా జీవితమంతా ఏ మతపరమైన వివక్షా లేకుండా గడిపేం అంటున్నారు. వారెవ్వరూ సంఘపరివార్లోనో , లేక హిందూ పార్టీలకో చేసిన కుట్రలో భాగం కాదు. అలాగాక నూటికి నూరు పాళ్ళూ వివక్ష లేదు కాబట్టి మీరు చెప్పిందే సరియైనదని అందామా?
                మరొక వ్యాఖ్యాత చెప్పినట్లు 125 కోట్ల జనాభాలో అందరూ పరిశుద్ధాత్మలే వుండరు అని అనుకుందామా?

                వివక్ష గురించి వారిలో ఒకరు చెప్పిన విషయం మహత్తరంగా వుంది.

                There is a concept called “Confirmation Bias”. This is what is at play here.
                To those who believe there is discrimination in a negative sense, they would always see the discrimination and would not see the bright side of things. Those who believe they are being treated fairly, they would overlook the discrimination and look at positive side.
                We find both type of answers here.
                In the world we live in, there is discrimination at many places. e.g.:

                1. Sibling discrimination – parents treat one sibling better than the other.
                2. Employee discrimination – some employees are given preference.
                3. Neighbor discrimination – your neighbors might prefer others over you.
                4. Passenger discrimination – in a flight, the air hostess might treat your co-passenger differently.
                5. Customer discrimination – when you walk into a store, the support staff might overlook you for some other customer.

                There are also discrimination like gender, color, caste and religion.

                The fact is, discrimination exists in every sphere of life, everywhere. Sometimes we benefit from it, sometimes we lose.
                వివక్ష అనేది జీవితంలోని అన్న కోణాల్లో, అన్ని విషయాల్లో మనం పుట్టిన దగ్గరనుండీ, చనిపోయేవరకూ వివిధ రూపాల్లో, వివిధ స్థాయుల్లో ఎదుర్కుంటూనే వున్నాం కదా?
                కేవలం మతపరమైన వివక్షనే, లేక కులపరమైన వివక్షనే ప్రధానంగా ఎత్తిచూపడం సబబేనా?

                నేనిచ్చిన న్యూ ఏజ్ ఇస్లామ్ సైట్లో మీరు చెబుతున్న త్రిపుల్ తలాఖ్ గురించి, ఆ పోరాటల గురించి ఎంతో విలువైన సమాచారం వుంది.
                Sultan Shahin Raises Triple Talaq Issue at UNHRC, Asks Muslims to Engage In Serious Rethinking Of Islamic Theology and Bring It In Line With the Needs of 21st Century
                http://newageislam.com/islam,-women-and-feminism/sultan-shahin,-founding-editor,-new-age-islam/sultan-shahin-raises-triple-talaq-issue-at-unhrc,-asks-muslims-to-engage-in-serious-rethinking-of-islamic-theology-and-bring-it-in-line-with-the-needs-of-21st-century/d/108677

                ముస్లిం ఖైదీలు మాత్రమేకాదు, పేదలు, అండలేనివారు అయిన అన్ని మతాలవారూ, అన్ని కులాలవారు అనేక ఏళ్ళుగా జైళ్ళల్లో రకరకాల కారణాలతో, న్యాయవ్యవస్థ అసమర్థత కారణంగా మ్రగ్గుతూనే వున్నారు. మీరు గణాంకాలు తీస్తే ఆ వివరాలన్నీ తెలుస్తాయి. మతపరమైన లెక్కలని బట్టి రాజ్యం కేవలం ముస్లిం ఖైదీలనే అలా చూస్తుంది అనుకోవడం పొరపాటు.

                పోనీ, మీ వాదనే నిజం అనుకుందాం. రాజ్యం అలా చూడటానికి కారణమేమిటని మీ ఉద్దేశం? హిందూమతోన్మాదం రాజ్యాన్ని ఆవహించింది అనా? అలా ఆవహించి కేవలం ముస్లిం ఖైదీలని మాత్రమే మతం కారణంగా హింసిస్తుందా? మీ గ్రహింపును స్పష్టంగా చెప్పగలరు.

                మీ గ్రహింపు ‘‘అవును’’ అనే అయితే దానికి సమాధానంగానే మీ ఉద్దేశంలో dogma, నా ఉద్దేశంలో సరియైన అవగాహన అనుకునే వ్యాసాలలో కొన్ని ఇచ్చాను.
                ఎందుకంటే న్యాయవ్యవస్థ దానంతట అదే పనిచేసే యాంత్రిక వ్యవస్థ కాదు కదా? ఈ సమాజంలోని భావాలు, అసమానతలు, అభిప్రాయాలు, వాదాలే అక్కడుండేవారిలోనూ వుండే అవకాశం వుంది. అయితే, ఆ భావాలు ఎలా వచ్చాయి, వారి మతపరమైన, కులపరమైన అవగాహన నుండి వచ్చాయా, లేదా అనేది తెలుసుకోవాలంటే జరుగుతున్న సమాజ పరిణామాలని అవగాహన చేసుకోవడం అవసరం.
                మనం కారణాలని, మన గ్రహింపు మేరకు పరిష్కారాలని చెప్పడానికి ఇవన్నీ ఉపయోగపడతాయనే అన్నీ ఇచ్చాను.

                • Krishna Veni Chari says:

                  శ్రీనివాసుడుగారూ,
                  సరే, మీ పోయింట్ బై పోయింటుకి సమాధానం ఇవ్వడానికి ప్రయత్నిస్తాను. లేకపోతే నేను సరిగ్గా జవాబు చెప్పలేదనో, నాకు సరైన దృక్పధం లేదనో, నిర్లక్ష్యపెట్టాననో మీరనగలిసే ప్రమాదం ఉంది.
                  —–
                  ‘షబనా ఆజ్మీని సహేతుకంగానే ఖండించడం’- నేను చూశాను/చదివేనండీ.
                  ‘కాబట్టి మీరు చెప్పిందే సరియైనదని అందామా?’-అలా ఎలా అనగలనండీ? మానవమాత్రురాలిని. మహాత్మురాలిని కాను-పొరపాట్లు చేయకుండా ఉండటానికి. 🙂
                  ‘Those who believe they are being treated fairly, they would overlook the discrimination and look at positive side.”-I had never been discriminated against and so, never normally look at any negative side unless I notice or witness some stark discrimination.
                  ‘కేవలం మతపరమైన వివక్షనే, లేక కులపరమైన వివక్షనే ప్రధానంగా ఎత్తిచూపడం సబబేనా?’- మీరెక్కడ ఉంటారో నాకు తెలియదు కానీ, మీరు కనుక మార్చి నెల నుండీ టివిల్లోనూ, న్యూస్ పేపర్లలోనూ- ఈ ఇద్దరి విడుదల తరువాత, వస్తున్న/వచ్చిన న్యూసుని చూసి/చదివి ఉంటే ఈ చర్చని మిస్ అయేవారు కారు. నేను ఈ న్యూసుని ఆవిష్కరించనూ లేదు, కనిపెట్టనూ లేదు. ఫాక్ట్స్ ఇచ్చి, ఆర్టికల్ తరువాత నా అభిప్రాయం వెళ్ళబుచ్చి, అనలైస్ చేయడం తప్పితే, ఈ కేసుల గురించి నేను సేకరించిన సమాచారం నెట్, టివి, న్యూస్ పేపర్లనుంచే. కాబట్టి కుల/మతపరమైన వివక్ష చూపిస్తున్నది నేను కాదు. మన ప్రభుత్వం. అన్ని సమాచార మాధ్యమాలూ దీని గురించి హోరెత్తిస్తూ ఉంటే నేను రాయడం వల్ల వచ్చిన నష్టం ఏముంది???
                  “వి ఆర్ ప్రౌడ్ ఇండియన్స్”-అని నేను రాసిన ఇద్దరు వ్యక్తులూ అనుకోలేదని మీరెందుకు అనుకుంటున్నారు??? That is preemption.
                  Of course, “discrimination exists in every sphere of life, everywhere. Sometimes we benefit from it, sometimes we lose.” అయితే మీరు చెప్పదలచుకున్నదేమిటి? ఈ ఇద్దరూ కోల్పోయిన జీవితపు సంవత్సరాలు ముఖ్యమైనవి కావనా? యాధాలాపంగా ఆ సంవత్సరాలని “పోతే పోయాయిలే. వీళ్ళెంత, వీళ్ళ జీవితమెంత?” అని పక్కకి తీసి పడేయాలంటారా?
                  Instantaneous triple talaaq-గురించి గతంలో రాయడానికి ముందు నేనూ అవన్నీ చదివాను.
                  “పేదలు, అండలేనివారు అయిన అన్ని మతాలవారూ”- మీకు నేను ఇచ్చిన చీఫ్ జస్టీస్ స్పీచు లింకులో అవన్నీ ఉన్నాయి. వినకుండానే లింకిచ్చాననుకుంటున్నారా మీరు?
                  ‘మతపరమైన లెక్కలని’- కట్టినది నేను కాదు. పూర్తి మీడియా కట్టింది లెక్కలు. అసలు మీరీ న్యూసుని ఎలా మిస్ అయారో, ఆశ్చర్యంగా ఉంది.
                  న్యాయవ్యవస్థ దానంతట అదే పనిచేసే యాంత్రిక వ్యవస్థ కాదు-నిజమే కాదు. కానీ, ఆ వ్యవస్థకి చెందిన ఉద్యోగులు లేకపోయి, వ్యవస్థ దానంతట అదే నడుస్తుందంటున్నారా మీరు?
                  “కేవలం ముస్లిం ఖైదీలని మాత్రమే మతం కారణంగా హింసిస్తుందా? మీ గ్రహింపును స్పష్టంగా చెప్పగలరు.”-
                  నాకసలు గ్రహింపంటూ ఉందో లేదో అని కూడా మీ కామెంట్ల తరువాత అర్థం కాకుండా పోతోంది కానీ పోనీ, మీరే చెప్పండి. హిందువులని టెర్రరిస్టులని ఎంతమందిని, ఎప్పుడెప్పుడనగా, ఎక్కడెక్కడ పట్టుకుని దశాబ్దాలగా కటకటాల వెనక్కి తోశారో.
                  మీ అవగాహనకీ, నాలెడ్జుకీ అభినందనలు.
                  థేంక్యూ.

                  • శ్రీనివాసుడు says:

                    కృష్ణవేణి గారూ!
                    ‘‘కుల/మతపరమైన వివక్ష చూపిస్తున్నది నేను కాదు. మన ప్రభుత్వం. అన్ని సమాచార మాధ్యమాలూ దీని గురించి హోరెత్తిస్తూ ఉంటే నేను రాయడం వల్ల వచ్చిన నష్టం ఏముంది???’’
                    మీరు ఈ వ్యాసం వ్రాసి తప్పుచేసారనో, హైలైట్ చేసారనో నేను చెప్పడంలేదు. ఈ వ్యాసం వ్రాసి మీరు న్యాయవ్యవస్థ పక్షపాత ధోరణిని మీకు అర్థమైనంతలో చెప్పి ఎంతో మంచిపనే చేసారు. మీకు ఆసక్తి కలిగిన విషయాన్ని గురించి మీ భావనలని మరింత వివరంగా తెలుసుకోవాలనే నేను ఈ సంభాషణ మొదలు పెట్టింది.
                    సమాచార మాధ్యమాలు అంటే జాతీయ మాధ్యమాలు హోరెత్తించే అంశాల్లో మీకు ఆసక్తిగలిగినవి ఎంచుకుని వాటిని గురించి వ్రాసే స్వేచ్ఛ మీకుంది. ఈ మధ్యకాలంలో సమాచార మాధ్యమాలు భారతదేశంలో ముస్లింల మత ఆచరణలో వస్తున్న మార్పుల గురించి, టెర్రరిజం గురించి, సలాఫీ ఉగ్రవాదాన్ని గురించి హోరెత్తిస్తున్న వార్తా వీడియోలు అనేకం వున్నాయి, మీకు కావాలంటే వాటి జాబితా నేను చాలా ఇవ్వగలను.
                    నేనెక్కడా మీరు చెప్పిన ఖైదీలు ‘‘తమని తాము ప్రౌడ్ ఇండియన్స్ అనుకోరు’’ అని చెప్పలేదు. భారతదేశంలో ముస్లిముల పట్ల వివక్ష అతి తక్కువ అని, ప్రపంచంలో అనేక ముస్లిం దేశాలలో, ముస్లిమేతర దేశాలలో కంటే స్వేచ్ఛగా జీవిస్తున్నారని నా అభిప్రాయాన్ని చెప్పడానికే ఆ ఫ్యాక్ట్స్ చెప్పి, ఆధారాలుగా లింకులిచ్చాను. వాళ్ళు కోల్పోయిన జీవితాన్ని గురించి చులకన అభిప్రాయం నాకు లేదు. నేను చెప్పేదేమంటే న్యాయవ్యవస్థలో అలాంటి అభాగ్యులు బోలెడంతమంది వున్నారు. అలాంటి దురదృష్టకరమైన సంఘటనలలో సమాచార మాధ్యమాలు ఆసక్తి చూపిస్తున్న సంఘటనలే బయటకి వస్తున్నాయని నా అభిప్రాయం.
                    నేను గత సమాధానంలోనే చెప్పాను, మీరు చెప్పినదాన్ని పూర్తిగా అంగీకరిస్తున్నానే అనుకోండి. అక్కడనుండి చర్చని ముందుకు తీసుకువెళ్లాలి కదా? ప్రభుత్వం ముస్లింలందరినీ టెర్రరిస్టులా పరిగణిస్తుంది అని వార్తామాధ్యమాలు, ఛీఫ్ జస్టిస్ చెప్పారు కదా? దానికి కారణాలు, పరిష్కారాలు కూడా మనం ఆలోచించాలి కదా? అందుకై ఈ చర్చ ఉపయోగపడుతుందనుకుంటే ముందుకు సాగుదాం, లేదా ఆపేద్దాం.
                    అందుకోసమే నేను అడిగాను, కారణం గురించి మీ ఉద్దేశమేమిటి? పరిష్కారాలేమిటి? ఛీఫ్ జస్టిస్ చెప్పిన విషయమే పరమం అని అక్కడే ఆగకూడదు కదా?
                    ‘‘హిందువులని టెర్రరిస్టులని ఎంతమందిని, ఎప్పుడెప్పుడనగా, ఎక్కడెక్కడ పట్టుకుని దశాబ్దాలగా కటకటాల వెనక్కి తోశారో‘‘.
                    అంటే, మీ ఉద్దేశం హిందువులలో కూడా టెర్రరిస్టులు చాలామంది వున్నారు, వాళ్ళని కటకటాల వెనక్కి నెట్టడం లేదనా? ఈ దేశంలో టెర్రరిజం నిందితుల విషయంలో మత వివక్ష చూపిస్తున్నారనా?
                    టెర్రరిస్టులు అనే అభియోగంపై కాకుండా, మిగతా నేరాలు, రాజద్రోహం నేరంపైనో, లేదా దేశద్రోహం నేరంపైనో, తీవ్రవాదులనో, వాళ్ళకి సహాయం చేసారనో ఎంతోమంది మత, కుల ప్రసక్తి లేకుండా మ్రగ్గడంలేదా? అంటే, వాళ్ళు మ్రగ్గుతున్నారని వీళ్ళు కూడా మ్రగ్గాలని నేను మాట్లాడడంలేదు. రాజ్యం తన రాజకీయ ప్రయోజనాలకోసమో, తన ఉనికికి భంగం అనుకునేవాళ్ళనో హిందూ, ముస్లిం, క్రైస్తవ అనే భేదాలు లేకుండా జైళ్ళల్లో పెడుతూనేవుంది. తన ప్రయోజనాలకి భంగం కలుగుతుందనుకుంటే ఎవరినీ వదలదు. ప్రయోజనాలుంటే పెద్ద పెద్ద టెర్రరిస్టులతో సమానమైన ప్రమాదకారులని కూడా వదిలేస్తుంది.
                    ‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
                    అసలివన్నీ వదిలేద్దాం. నేను ఇంతవరకూ వ్రాసిన వాక్యాలన్నీ వ్రాయలేదనే అనుకోండి, లేదా నా అవగాహనా రాహిత్యమే అనుకోండి.
                    ఇప్పుడే మీ వ్యాఖ్యని చూసాను, మీ చెప్పిన వార్త నూటికి నూరుపాళ్ళూ నిజమే, ఏ మాత్రం అతిశయోక్తి లేదని అంగీకరిస్తున్నాను, అని అనుకుందాం. ఇప్పడు చర్చని తాజాగా మొదలుపెడదాం.
                    ఇప్పుడు చెప్పండి. రాజ్యం ముస్లింలని మాత్రమే పట్టుకుని టెర్రరిస్టులు అని హింసిస్తోంది కదా? ఈ వివక్షకి మీరు అనుకుంటున్న కారణమేమిటి? పరిష్కారం ఏదని మీరు అనుకుంటున్నారు? దయచేసి చెప్పగలరు.
                    ఇదేమీ మీతో వాదనలో గెలవాలని నేను అడగంలేదు. నిజమైన కుతూహలంతో జిజ్ఞాసతోనో అడుగుతున్నాను.

                  • Krishna Veni Chari says:

                    శ్రీనివాసుడుగారూ,
                    ‘మంచిపనే చేసారు’-థేంక్యూ అండీ.
                    ‘జాబితా నేను చాలా ఇవ్వగలను’-వద్దండీ. జాబితాలన్నిటినీ చదివే, కొన్ని వేల పదాలున్న ఆర్టికల్ని కాస్తా ఇంత కుదించి పెట్టాను. థేంక్యూ.
                    ‘చర్చని ముందుకు తీసుకువెళ్లాలి కదా?’-లేదండీ, అవసరం లేదనుకుంటాను.
                    ‘కారణాలు, పరిష్కారాలు కూడా మనం ఆలోచించాలి కదా?’- ఊహూ, మనం తెలుగులో చర్చని ముందుకు తీసుకెళ్ళినంత మాత్రాన, మీడియా చదివి, అభిప్రాయం మార్చుకోగలిగే ఆస్కారం లేదని తెలుసు.
                    ఇకపోతే- నా ‘ఉద్దేశ్యం’ ఏమిటో, కాలములోనే రాశాను.
                    ‘పరిష్కారాలు’ శోధించేటంత అర్హతకానీ, సామర్థ్యం కానీ నాకు లేవు.
                    ‘ఇదేమీ మీతో వాదనలో గెలవాలని నేను అడగంలేదు.’-అర్థం అయిందండీ నాకు. థేంక్యూ. 🙂
                    ‘కుతూహలంతో జిజ్ఞాసతోనో’-దేనితో అడినప్పటికీ, మీరూ నేనూ అదే స్టడీ మెటీరియల్ చదివినట్టుగా నాకు కనిపిస్తోంది. కాబట్టి అనవసరం అనుకుంటాను.
                    ఏది ఏమయినప్పటికీ, మీతో చర్చ చాలా ఆనందాన్ని కలిగించింది. కాకపోతే, ఇంక దీన్ని లాగదీయడం వల్ల ఏ లాభం ఉండదనుకుంటాను. మరొకసారి మీకు థేంక్యూ. 🙂 🙂 🙂

  5. Venkata S Addanki says:

    125 కోట్ల మందిలో ఇలాంటివి ఒకటి రెండు కేసులు ఎప్పుడూ వస్తూనే ఉంటాయి. ఒక విధంగా నిర్దోషులైతే చింతించవలసిన విషయమే. ఉగ్రవాద దాడుల విషయంలో ఏచిన్న క్లూ దొరికినా పోలీసులు పట్టుకోవడం, అదీకాక ఈ రోజు దాకా మన భారత్ విషయంలో తీసుకుంటే ఒక సిమీ వాళ్ళనో హిజుబుల్ ముజాహిదీన్ అనో, ఇసిస్ స్లీపర్ సెల్స్ అనో ఎక్కడో అక్కడ ఏదో ఒకరు దొరుకుతూ ఉండడం ఆ దొరికేవాళ్ళుఎక్కువగా ఒకే మతానికి చెంది ఉండడం వల్ల ఇటువంటివాటికి అవకాశం ఎక్కువగా ఉంది. అలా అని ఇలా పట్టుబడ్డ ప్రతి ఒక్కరూ నేరస్తులనే కాదు కానీ పరోక్షంగా వారు తెలిసో తెలియకో ఈ ఉగ్రవాద కార్యకలాపాలు నిర్వహించేవారికి ఎక్కడైనా తోడ్పడి ఉన్నా కూడా వారిని పోలీసుల్ అదుపులోకి తీసుకోవడం పరి పాటి. ఇందులో మరో కోణం ఆరు వారు నివాసముండే స్థానాలలో వారికి వేరేవారికి కొంచం గొడవలు లాంటివి ఉన్నా ఇలాంటి కేసులలో పోలీసులకి తప్పుడు సమాచారం ఇచ్చి వారిని మూయించే వారి మతం వారూ ఉంటారు.

    అంతెందుకు మాలేగావ్ పేలుళ్ళనేపధ్యంలో మొట్టమొదట దర్యాప్తు చేసిన పోలీసు అధికారి కొంతమంది అనుమానితులని పట్టుకున్నాడు, తరువాత ఆ కేసు లో జరిగినదేమిటో అందరికీ తెలుసు.మొన్ననే ఆ అనుమానితులని వదిలేసారు కూడా. అది పూర్తిగా రాజకీయ ప్రాబల్యంతో జరిగినది అని ఆ సదరు అధికారి ఘంటాపదం గా చెప్తున్నాడు. మనం ఎవరి మాట నమ్మాలి అన్నది సమస్య. అతను చెప్పిన ప్రకారం, కొన్ని రకాల క్లూస్ పటిష్టం గా నేర నిరూపణ చేస్తాయి , కానీ వాటిని పక్కకి తప్పించే అధికారం ప్రభుత్వాలకి ఉన్నంత కాలం న్యాయం జరుగుతుంది అని వూహించలేము.

    కొన్ని సంవత్సరాల క్రితం భారత్ దేసానికి ఎక్కువ అంతరంగిక ముప్పు మావోలతో ఉండేది, ఇప్పుడు గణనీయం గా తగ్గింది. వారు కూడా కేవలం అటవీ ప్రాంతాలకీ లేక అటవీ పరిసర గ్రామాలదగ్గరో సంచారం చేసేవాళ్ళూ. వాళ్ళకి సహాయకులు కొన్ని నగరాలలో ఉన్నా దొరికినప్పుడు మాత్రం తెలిసేది. అప్పటిలోను, కొంచం ఆవేశంగా మాట్లాడేవారినీ , కొంతమంది ని అనవసరంగా అనుమానించి ఇలా పోలీస్ స్టేషన్లలో మగ్గించి జీవితాలు నాశనం చేసేవారు. ఇప్పుడు ఈ ఉగ్రవాద గ్రూపులు ఒకచోట అని కాదు దేశం మొత్తం మీద ఎక్కడన్నా తలదాచుకుంటున్నారు. ఈ రోజు తెలిసిన విషయం మొన్న బంగ్లాదేశ్ లో జరిగిన ఉగ్రదాడి కి తుపాకులు(ఏకే22) మన బీహార్ రాష్ట్రం లో మార్పులు చోటు చేసుకుని మళ్ళీ తయారు చేసి మామిడపండ్ల బుట్టలతో బంగ్లాదేశ్ వెళ్ళాయి. దీనంతటికీ కారణమైన ఒక ముజాహిదీన్ గ్రూప్ ఇసిస్ కి దగ్గరగా పనిచేస్తూ ఉంటుంది. ప్రస్తుతం జనాభా పెరిగింది, ఏ ఒక్కరినీ నమ్మడానికి వీలులేకుండా ఉంది అది హిందువు అని కాదు, ముస్లిం అని కాదు. డబ్బు ప్రాధాన్యము, మత ప్రాధాన్యాలు వచ్చాక ఎవరు ఏ తీవ్ర నిర్ణయం ఎందుకు తీసుకుంటున్నారో చెప్పడం కష్టం. అందువల్ల ఒకరిద్దరి జీవితాలు ఇలా నాశనం అవుతున్నా చూస్తూ ఉండవలసినదే అంతకన్నా సాటి పౌరులిగా చూపించగలిగితే కొంత సానుభూతి తప్పితే వ్యవస్థని తప్పు పట్టడానికి ఏమీ లేదు. ఇలా మనకి జరిగినా ఎంతగొంతు చించుకున్నా కూడా ఏమీ కాదు. ముందు అసలు ఉగ్రవాద నేరం అనగానే మన సొంతవాళ్ళే పక్కకి తప్పుకునే రోజులు, ఇక న్యాయ సహాయం ఎవరినుండి ఆర్ధిస్తాము మనము? భగవంతుడి దయతో బయటపడినందుకు సంతోషించాలి అంతే. న్యాయ వ్యవస్థ ని తప్పుబటలేము అలాగే దేశం కోసం అహర్నిశలూ శ్రమించే పోలీసులు గానీ, మన ఘూడచార వ్యవస్థలను గానీ కించపరచలేము.

    ఏది ఏమైనా మళ్ళీ మీరు ఒక కొత్త విషయంతో ముందుకి రావడం మాక్ ఆనందం, మీకు అభినందనలు.

    • Krishna Veni Chari says:

      వెంకట్ అద్దంకిగారూ,
      మొట్టమొదటిగా, మీ వివరమయిన కామెంటు చూస్తే, మీకెంత అవగాహన ఉందో అన్నది తెలుస్తోంది. మీ మేప్పూకు ఎన్నో థేంక్యూలు. 🙂
      టెర్రరిస్మ్, దేశద్రోహులూ అన్న పేరుతో పేరు క్లియర్ అయే అన్ని సంవత్సరాల వరకూ ముస్లిం యువకులు జైళ్ళలో మగ్గుతున్నారు. లీగల్ ఫీ చెల్లించేతంత స్థోమత వారికి ఉండదు.
      మీరు చెప్పిన మాలెగావ్ బ్లాస్ట్ కేసులో, పదేళ్ళ కిందట అరెస్టు అయిన 9 మంది ముస్లిం యువకులని రిలీస్ చేసినది ఈ మధ్యనే. సగం శిక్ష పూర్తి అయిన అండర్ ట్రయిల్స్ ని రిలీస్ చేయవచ్చు అన్న రూలు టెర్రర్ కేసులకి అన్వయించదు. ఇది యుస్లో, ఆఫ్రికన్ అమెరికన్స్ సంగతిలాగే ఉన్నట్టుంది. ఇప్పటికే 60% కన్నా ఎక్కువ అండర్ ట్రైల్స్ ఈ ట్రైయలుకీ నోచుకోకుండా జయిళ్ళల్లో మగ్గుతున్నారు.
      నేను తీసుకున్నవి రెండు కేసులే. మొహమ్మద్ అమీర్ ఖాన్ చేసిన తప్పు- అతను అంతకు వారం కిందట పాకిస్తాన్ వెళ్ళి రావడం. ఢిల్లీ చాంద్ బాగుకి చెందిన సాజిద్, శ్రీనగర్లో అరెస్టు అయిన మక్బూల్ షా- ఇలా ఎంతోమంది ఉన్నారు. అప్పటికే వారు సగం చచ్చి ఉంటారు. వీరిని రిహాబిలిటాట్ చేసీ ప్రయోజనం లేదు.
      ఇకపోతే, నాకేదో పని ఉండటం వల్ల నేనిది రాసిన పంపినది ఉరీ ఘాతకానికి ముందే. కాబట్టి మొహమ్మదీయులమీద జాలి అన్నది కాదు కదా! మంచి అభిప్రాయం కూడా అందరికీ తుడిచిపెట్టుకుపోయి ఉండే ఉంటుంది ఇప్పటికి అని అర్థం అవుతోంది. అది సహజం కూడా.
      పోనీ, అది పక్కన పెడితే, ఏ మతస్థులైనా కులస్తులయినా, దేశస్థులైనా కూడా- చేయని నేరానికి ఇన్నేళ్ళు శిక్షని అనుభవించడం సమంజసమేనా! బయటకి వచ్చి, పీడకలని వెనక్కి నెట్టడానికి ప్రయత్నించినా వారమాయకులని సమాజంలో ఎంతమంది నమ్ముతారు? ఏ వయస్సులో జీవితం ఛిన్నాభిన్నం అయిందో, ఆ దశనుండీ జీవితాన్ని కొనసాగించడం అసాధ్యమే.

  6. ఆర్.దమయంతి. says:

    ఇలా జరగడం ఎంతైనా ఘోరం. ఘొరాతిఘోరం.
    ఈ సంఘటనలు పేపర్లో చదివి బాధపడ్డాను. ఇలానే మన జాలర్లు చేపల కానీ వెళ్లి, తెలియకుండా బార్డర్ దాటేస్తుంటారు. అలా పాకిస్తాన్ జైళ్లల్లో మగ్గిన వాళ్ళూ, మరణించిన వాళ్ళూ కూడా వున్నారు.
    విడుదలైన భారతీయుడు మొత్తుకుంటూ చెప్పిన ఆ ఇంటర్వ్యూ తలచుకుంటే ఇప్పటికి నాకెంతో వేదనని కలిగిస్తుంది.
    పరిష్కారాలు చూపలేని చట్టాలెన్నీ ఉండనీ, ఎం లాభం కదూ? అయేషా హత్య కేస్ లో నిందుతుడెవరన్నదీ ఇంకా మిస్టరీని గా?
    ఆలోచింపచేసే రచనలు చేస్తున్నారు వేణి!
    అభినందనలు.

    • Krishna Veni Chari says:

      అవును దమయంతిగారూ, నిజంగా ఘోరాతిఘోరమే.
      మన దేశస్తులు పాకిస్తాన్ జైళ్ళలోనూ ,వాళ్ళు మన జైళ్ళలోనూ ఉండటం కొత్తేమీ కాదు. కానీ, మన దేశస్తులే అకారణంగా మన జైళ్ళల్లోనే ఇనేళ్ళు మగ్గడం అన్నదే జీర్ణించుకోలేం.
      ఆయెషా మీరా హత్య రేప్ జరిగాక, చేయబడినది. ఏ సందర్భం వేరే అనుకుంటాను మరి. తెలియదు.
      “ఆలోచింపచేసే రచనలు చేస్తున్నారు ,అభినందనలు.”- మెప్పుకీ, అభినందనలకీ ఎన్నో ధన్యవాదాలు.

  7. Pingback: బాబు

  8. Venkat Suresh says:

    అబ్బా, ఎంత విలువైన సమయాన్ని అలా జైలు లో గడపటం దారుణం. ప్రభుత్వమో, కోర్టులో ఎదో ఒక నష్ట పరిహారం అయినా ఇప్పించేలా చేస్తే కొద్దిగా బెటర్ ఏమో. టైటిల్ భలే కుదిరిందండి. మంచి మంచి ఆర్టికల్స్ రాస్తూ, ఆలోచింపచేస్తున్న మీకు, అభినందనలు

    • Krishna Veni Chari says:

      కదా!
      2015 డిసెంబర్ లో ‘ తప్పుడు కేసులకని యవన్నాన్ని కోల్పోయిన మహమ్మద్ అమీర్ ఖాన్ (నేనే పేరు తప్పుగా రాశాను) కి అయిదు లక్షల కాంపన్సేషను ఇవ్వాలని’ ఢిల్లీ ప్రభుత్వం నాషనల్ రైటి‌ఎస్ కమిషన్ కి షో కాజ్ నోటీస్ ఇష్యూ చేసింది. కానీ అన్నీ పోగొట్టుకున్న వ్యక్తికి ఆ నష్ట పరిహారం ఎంతవరకూ లోటు పూరీ చేస్తుందన్నది సందేహాస్పదమే.
      ఎప్పటిలాగే ఓపికగా చదివి, కామెంటు పెట్టినందుకు ధన్యవాదాలు. 🙂

  9. karunya says:

    ఇక్కడ మన పోలీసులు ప్రజల రక్షణ కోసం ఉన్నట్టు లేదు రాజకీయ నేతలకి తప్ప…..ఇది జగమెరిగిన సత్యం…….అక్కడక్కడా మంచివారు లేకపోలేదు కానీ అలాంటి వారిని మనం త్వరగా శిలా విగ్రహాల్లోనే చూస్తాం……ఇక మీరు ప్రస్తావించిన రెండు జీవిత సత్యాల్లోనూ మనకి అద్దంలా కనిపిస్తున్న విషయం ఏంటంటే ఇక్కడ పేద వాడు చేయని తప్పుకైనా…పేదవాడు చేసిన తప్పుకైనా బలయ్యేది పేదవాడి జీవితం… ఆ వ్యక్తి ఆ కుటుంబం మాత్రమే…..ఆ తల్లిని వదిలి ఆ బిడ్డ పడ్డ వేదన…..ఖాన్ కోల్పోయిన జీవితం ఆ న్యాయవాది ఏ చట్టము తిరిగి తీర్చలేనిది…….ఇకపోతే ఆఖరి నా మాట
    చట్టము ఐనవాడికెపుడు చుట్టమే…పేద వాడెపుడు జైలు ఊచలకి నిత్యమిత్రుడే….
    మీ వివరణ మీరు వాళ్ళ బాధని వ్యక్త పరచిన తీరు అది రాసేప్పుడు మీరు అనుభవించి ఉండొచ్చు అద్భుతంగ రాసారు …ధన్యవాదములు

    • Krishna Veni Chari says:

      కారుణ్యగారూ,
      ఓపికగా చదివి కామెంటు కూడా పెట్టినందుకూ, మీ మెప్పుకీ-మీరు నాకు కాక, నేనే మీకు ధన్యవాదాలు చెప్పాలి.. 🙂
      కాకపోతే ఇక్కడ జరిగిన అన్యాయానికి, పేదరికంతోపాటు పాటు మతం కూడా తోడయిందనుకుంటాను. నా అభిప్రాయం తప్పయి ఉండవచ్చనుకోండి.

  10. Krishna Veni Chari says:

    టైటిల్- థేంక్యూ దత్తమాలగారూ 🙂
    నిజమే, ముఖ్యమైన జీవిత భాగాన్ని ఊచల వెనుక గడిపి, బయటకి వచ్చిన వీరికి -అనుభవించడానికి మిగిలి ఉన్నదేమిటో అని తలచుకుంటే, నిజంగానే బాధగా అనిపిస్తుంది. తప్పుడు తీర్పులు ఇచ్చిన వారికే కనుక, ఏదైనా శిక్ష ఉంటే కావలిసినదేముంది!
    ఇంత త్వరగా చదివేసి, కామెంటు పెట్టినందుకు ధన్యవాదాలు మీకు 🙂

  11. దత్తమాల says:

    “తూలిన తక్కెడ ” టైటిల్ పెట్టిన్నందుకు ముందు మీకు జోహార్లు !
    ఇక మీరు రాసిన విషయాలు …చదువు,కెరీర్ ,యవ్వనం అంతా నాలుగు గోడల మధ్య గడిపి ఇప్పుడు బయటకు వచ్చినా ఏముంది అనుభవించడానికి ..దారుణం ..ఇలాంటి తప్పుడు తీర్పులు ఇచ్చిన వారు ఎక్కడున్నారో ..వాళ్ళకేమి పనిష్మెంట్ ఉండదా ..??

Leave a Reply

Your email address will not be published. Required fields are marked *

(కీబోర్డు మ్యాపింగ్ చూపించండి తొలగించండి)


a

aa

i

ee

u

oo

R

Ru

~l

~lu

e

E

ai

o

O

au
అం
M
అః
@H
అఁ
@M

@2

k

kh

g

gh

~m

ch

Ch

j

jh

~n

T

Th

D

Dh

N

t

th

d

dh

n

p

ph

b

bh

m

y

r

l

v
 

S

sh

s
   
h

L
క్ష
ksh

~r
 

తెలుగులో వ్యాఖ్యలు రాయగలిగే సౌకర్యం ఈమాట సౌజన్యంతో

Enable Google Transliteration.(To type in English, press Ctrl+g)