ఓ వనితా ….
నిశీధి యేనా
నీ భవిత ….!
ఆదిశక్తి అంశ అంటారే
మరి అంగట్లో
అమ్ముడెందుకు
అవుతున్నావ్ ….?
అండపిండ బ్రహ్మాండాలు నీనుండే
ఉద్భవించాయంటారే
మరి సంతలో సరుకు
ఎందుకు
అవుతున్నావ్ ….?
తెగించు ….
తెగించు ….
ఈ దాస్య శృంఖలాల
గోడలను బ్రద్దలుకొట్టు
కల్కి కోసం ఎదురు చూస్తూ వుంటావా ….!
నీ జీవితం కడ తేరే వరకు ….?
ఆ పరాశక్తికే ఆయుధం
అవసరం అయింది
నీకు తెగింపే ఆయుధం
ధైర్యమే నీ ధనం
కధన రంగంలో రుద్రమ్మ
స్ఫూర్తి చాలదా నీకు
ఈ మద మృగాలను
అణగ త్రొక్కడానికి
ఎగసి పడే అలల నీలోని
ధైర్యాన్ని ప్రదర్శించు
ఈ కీచక సమాజం లో
ఒంటరిగా నైనా సరే
సమరం సాగించు ….
తెగించు ….
తెగించు ….
– ఆకుతోట జయచంద్ర
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
4 Responses to ఓ… వనితా….!