అరాచకత్వానికి ప్రేమని పేరు పెట్టి
దాని గొంతు కోసే మగాడిని
ఆడపిల్ల చూచే చూపే
బాణమై కిరణమై
సూదిమొన మరణమై
కళ్ళలోన కారమై
ఆడదే ఆధారమై
మతులు చెడి బతుకు చెడి
వళ్ళు చెడి ఇల్లు చెడి
దుమ్ములోన ధూళిలోన
రోడ్ల పైన గట్ల పైన
పిచ్చివాడై బిచ్చగాడై
ఆకలికి అలమటిస్తూ
అయినవారికి దూరమై
ఎవరికీ కానివాడై
చావలేక బ్రతక లేక
చావుకోసం ఎదురుచూస్తూ
చేసిన తప్పుకు చింతిస్తూ
ఆడపిల్ల ఉసురుపోసుకుని
అధముడై పోయేవాడిపై
జాలెవరికి? దయెవరికి?
అసలు జాలేందుకు? దయెందుకు?
పి .పద్మావతి శర్మ .ఎం .ఎ . తెలుగు పండిట్
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~`
3 Responses to బాణమై కిరణమై