నజరానా ఉర్దూ కవితలు – అనువాదం ఎండ్లూరి సుధాకర్

నువ్వు వాల్జడ వేస్తే 

ప్రళయమే  ముంచుకొస్తుంది 

నువ్వా కురుల్ని  ఆరబోస్తే 

అంతకంటే తక్కుదేమీ కాదనిపిస్తుంది 

                                                 -సహర్ సీతాపురీ 

హృదయం పోయింది

బతుకులోని కాంతీ కరిగిపోయింది 

దుఃఖం కూడా పోయింది 

సమస్త  జీవితమే వెళ్ళిపోయింది 

                                                      -జిగర్ మురాదాబాదీ

ఆమెకు ప్రేమంటే 

కోపం వస్తుంది 

నాకేమో ఆమె కోపం మీద 

ప్రేమ పుడుతుంది 

                                                        -జిగర్ 

మొగ్గ వికసించి  కూడా 

ముడుచుకొని పోయిందికలికి

చిరునవ్వు ఎంత 

కఠినమై పోయింది 

                                                    -అదమ్ 

– అనువాదం ఎండ్లూరి సుధాకర్

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~