నజరానా ఉర్దూ కవితలు – అనువాదం ఎండ్లూరి సుధాకర్

ముప్పయి రోజుల ఉపవాసం

పూర్తి చేసుకున్నాను సాకీ !

పండగ చంద్రుణ్ణి చూపించనా

నిండు పాన పాత్రలోకి

                                                     -ఆతిష్

సలసల మరిగే కన్నీళ్లు తాగి తాగి

నేనెలా  నవ్వుతున్నానో చూడండి

ఇలా ఇంకెవరైనా చేశారా

గుండె బద్దలవుతుందంటే నమ్మండి

                                                          -కైఫీ ఆజ్మీ

వాళ్ళు హత్యలు చేసినా

కనీసం చర్చ కూడా జరగదు

మేము ఆహా ! అంటే చాలు

అపనింద మాకు తప్పదు

                                        -అజ్ఞాత హిందూ కవియిత్రి

అందరికంటే ముందరే

నీ పాదాల సవ్వడి పోల్చుకుంటా

ఓ నా జీవితమా !

దూరం నించే నీరాకకై వేచి వుంటా

                                                          -ఫిరాఖ్ గోరఖ్ పురీ

– అనువాదం ఎండ్లూరి సుధాకర్ 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~