వలపు దారిలో అలసిపోయి
ఎక్కడ నేను చతికిల బడ్డానో
అక్కడ నాకంటే ముందే వచ్చిన
బాటసారుల్ని చూశానెం దరినో
-బహుదూర్ ,షా జఫర్
ప్రియతమా ! ఏం చెప్పను
నా కంటి బిందువుల తీరు
నిలబడితే నిప్పు
ఒలికి పడితే నీరు
-ఫానీ బదాయునీ
ఆమె గుర్తుకు రాగానే
అలుముకున్నాయి అశ్రువులు
జ్ఞాపకాల కెంత దగ్గరో కదా
ఈ కన్నీటి బిందువులు
-అంజుమ్
ఆమె తలపుల తన్మయత్వం
నన్ను విదిచిపోదు
తరలిపో మరణమా !
నాకిప్పుడు తీరిక లేదు
-అజ్ఞాత కవి
– – అనువాదం ఎండ్లూరి సుధాకర్
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~