నా మద్యం విలువ
నీకేం తెలుసు అర్చకా !
అది తాగి నేను దీవిస్తే
నరకమైనా స్వర్గమే ఇకా !
-రియాజ్ ఖైరాబాదీ
*నిన్నటి దాకా నా మనసు
బహు ప్రశాంతంగా ఉండాలి
ఇప్పుడేమయ్యిందో మరి
ఆ పై వాడికే తెలియాలి
-జోష్ మల్ సియాని
*మనసుతో చెప్పే వాణ్ణి
అలాంటి బాటలో నడవొద్దని
ఎదురు దెబ్బలు తిని పడింది
అనుకున్నాను తగిన శాస్త్రి జరిగిందని
-అష్రఫ్ రాహాబ్
* పరితపించే హృదయాలతో
పరాచికాలు పాడి కాదు
దుఃఖితుల్ని చూసి నవ్వడం
నిఖిలానికి హితవు కాబోదు
-రియాజ్ ఖైరాబాదీ
అనువాదం : ఎండ్లూరి సుధాకర్
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
