ముక్తకాలు – తిరునగరి

**మనిషి సందేశకుడు కావడం
మంచిదే
ఆచరించని నీతులు వల్లిస్తేనే
ప్రమాదం

**మనిషి ఆచార్యుడు కావడం
మంచిదే
అంకిత భావం లేకపోతేనే
అనర్ధం

**అందుకే మనిషి ఎదగాలి
విజ్ఞాన శిఖరంగా
మనిషి సాగాలి
సౌజన్య ఝరంగా

**మనిషి వెలుగుతూ వెలిగించే దీపం కావాలి
పరిమళిస్తూ పరిమళం పంచె పుష్పం కావాలి
నవ్వుతూ నవ్వించే మనస్వి కావాలి
బ్రతుకుతూ బ్రతికించే మనిషి కావాలి

**అక్కడ అయ్యో పాపం ఓ నన్
దీన్ని సీరియస్ గా తీసుకునే వాడు సంఘంలో నన్
మనుష్యులలో మానవత్వం నశించె న్
మహాశయులారా చెప్పండి మనం దేంట్లో నెంబర్ వన్ ?

                                                          – తిరునగరి 

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~