ఎక్కడుంటుందంటారు.. !

తెగిపడని తలలు చూసే చూపుల్లోనా…

బీడువారి నెర్రెలిచ్చిన

భూమిలో  ఇంకిన రైతు రక్తంలోనా.. !

దేశం కోసం కాపుకాస్తున్న

జవాన్ల బూట్ల చప్పుళ్లలోనా.. !!

ఎక్కడుందంటారు.. !!

దారితప్పిన దగాకోరుల జీవితాల్లోనా..

గూడు చెదరి గుండె మండిన

పేదల కడుపాకలిలోనా.. !!

ఎక్కడుందంటారు.. !!

అమ్మతనం అభాసుపాలైన

అంగడి బొమ్మల మనోవేదనలోనా..

ఆ మసిబారిన మనసులకు

ఓదార్పునివ్వలేని ఈ సమాజంలోనా.. !!

ఎక్కడుంది..

యుద్ధం లేని నేల.. !!

ఏ మనసున ఉంది..

ఓ మనిషీ…

ప్రశ్నించుకో..??

-జయసుధ కోసూరి

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~