మా యవ్వ ఓ పిచ్చిది  

మా ఆకలిని తన ఆకలి అనుకుంటది  

మా అయ్యెన్ని తిట్టినా ఓపుతది గానీ,  

మమ్మల్నోమాటంటే కయ్యానికి దిగుతది.  

మా యవ్వకి మా కడుపు మీదే యావ!  

ఏ రోజన్నా అన్నమో, రొట్టో లేక కూరో తక్కవడితే,  

ఆ పూట – మేము తింటే మా యవ్వ కడుపు నిండుతది.  

నిజంగా మా యవ్వ పిచ్చిదే  

ఏనాడన్నా మేం దోస్తులతోనివోయి  

ఇంటికి రాకపోతే మా యవ్వకు పానం పోయినట్టయితది  

పిస లేసి మేమొక్క మాటంటే,  

లోపల ఏడుస్తదే గానీ మా మనసు నొప్పియ్యది.  

మా యవ్వ మనసు నొచ్చితే – మాది నొచ్చినట్టు కాదా?  

ఎన్ని చెప్పినా – మా యవ్వ పిచ్చిది!

ఒట్టి పిచ్చిది కాదు – ప్రేమ పిచ్చిది!!

-బాలాజీ పోతుల

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~““