మట్టిలో మాణిక్యం

కళ్ళలో నుంచి మాటి మాటి కీ  ఊరుతున్న కన్నీటిని చీర  చెంగు తో తుడుచుకుంటోంది శాంభవి.జరిగినది తలుచుకున్న కొద్దీ దు:ఖం  ఆగటం లేదు . ఉక్రోషం వస్తోంది . తను పుట్టగానే  చనిపోయిన  అమ్మ మీద , వదిలేసి వెళ్ళిపోయిన   నాన్న మీద , చివరకు తనను ఈ విధంగా పుట్టించిన దేవుడి మీద అసలు ఈ ప్రపంచం మీదే iపట్టరాని కోపం వస్తోంది .అంతలోనే ఏడుపు ముంచుకు వస్తోంది .అసలు తన తప్పేమివుంది ? తను పుట్టినప్పుడు తన మొహం చూసేందుకే ఇష్టపడలేదట అమ్మ. నాన్నైతే ఓ చూపుచూసి బయటకు వెళ్ళిపోయాడట .  ఐనా తన ఈ రూపు తను కావాలని తెచ్చుకుందా ?

“ఏదో పాట పాడుతుంటే వింటున్నాను ” అని చిన్నగా గొణిగాడు . “దాని పాట అంత నచ్చిందా ఐతే పెళ్ళి చేసుకోరా , రోజూ వినవచ్చు ” అని వంగ్యంగా అంది దుర్గమ్మ. “ఏమమ్మో నా కొడుకుకు ఆ కాకిపిల్లను అంటగడుదామని చూస్తున్నావా ? కాకి గొంతేసుకొని కాకా అని అరుస్తుంటే అదే పాటైపోతుందా ?”అని పోట్లాటకు వచ్చింది ఆవిడ .

నల్లగా వుంటే వుంది ఇంత సన్నమేమిటి? బుగ్గ మీద ఇంత పెద్ద నల్లటి మచ్చ ఏమిటి ? తన దురదృష్టం కాకపోతే !  అమ్మా నాన్న మొహాలు తిప్పుకుంటే అమ్మమ్మ తనను ఎత్తుకుందిట. తొలిచూలు ఆడపిల్ల అమ్మవారు పుట్టింది అని ‘ శాంభవి ‘ అని అమ్మమ్మే  పేరు పెట్టిందిట.  తన దురదృష్ఠం తను పుట్టిన నెలకే అమ్మ చనిపోయింది . నాన్న నాకీ పిల్ల అవసరంలేదు ఏమైనా చేసుకోండి అని ఈసడించుకుంటే అమ్మమ్మ తనతో వూరు తీసుకెళ్ళింది.

                                images  వున్నంతలో బాగానే పెంచింది . తన రూపాన్ని ఎవరైనా వెక్కిరించినా , చిన్నచూపు చూసినా వారిని దులిపేసేది . ఎవరినీ వక్క మాట అననిచ్చేది కాదు , తను కూడా అనేది కాదు .    తన వెనకెనుకే తిరుగుతూ తనతో పాటు రామదాసు కీర్తన పాడుతున్న మనవరాలిని చూసి మురిసిపోయింది . భగవంతుడు దీని రూపం ఇలా ఇచ్చినా మంచి గొంతు ఇచ్చాడు అని మురిసిపోయి సంగీతం మాస్టారి ని బతిమిలాడి  తనకు సంగీతం నేర్పేందుకు ఒప్పించింది . అమ్మమ్మ ప్రేమతో , సంగీతం నేర్చుకుంటూ , స్కూల్ కు వెళుతూ ఆనందంగా వున్న తనను చూసి విధి కి కన్ను కుట్టింది. తను ఐదో తరగతి చదువుతుండగా అమ్మమ్మ ను తీసుకెళ్ళిపోయింది . అప్పటి వరకూ అత్తగారంటే భయం తో వూరుకున్న అత్తయ్య దుర్గమ్మ తనను చదువు , సంగీతం మానిపించేసింది . ఇంట్లో పనిపిల్లను చేసింది . మామయ్య రంగారావు చూడనట్లు , పట్టించుకోకుండా వుండిపోయాడు

                            తలుచుకున్నా కొద్దీ ఏడుపు ముంచుకు వస్తోంది .అసలు తన తప్పేమివుంది ?తన మానాన తను పని చేసుకుంటూ పాటలు పాడుకుంటోంది . అత్త వచ్చి నెత్తి మీద మొట్టేసరికి ఏమి జరిగిందో తెలీక భయపడిపోయింది . “ఏమే ఎన్నాళ్ళ నుంచి సాగుతోంది ఈ బాగోతం ?” అని అరిచేసరికి అప్పుడే గమనించింది పక్కింటి అబ్బాయి గోడ మీద కూర్చొని తనను చూస్తున్నాడని . దుర్గమ్మను చూసి పారిపోబోయాడు . “ఆగరా నీకేమి పని ఇక్కడ ఎందుకు కూర్చున్నావు ?”అని వాడిని దబాయించేసరికి వాడు తడబడిపోయాడు . ఈ గొడవకి పక్కింటావిడ బయటకు వచ్చింది . ఆవిడను చూసి ఇంకా రెచ్చిపోయింది దుర్గమ్మ .”ఏదో పాట పాడుతుంటే వింటున్నాను ” అని చిన్నగా గొణిగాడు . “దాని పాట అంత నచ్చిందా ఐతే పెళ్ళి చేసుకోరా , రోజూ వినవచ్చు ” అని వంగ్యంగా అంది దుర్గమ్మ. “ఏమమ్మో నా కొడుకుకు ఆ కాకిపిల్లను అంటగడుదామని చూస్తున్నావా ? కాకి గొంతేసుకొని కాకా అని అరుస్తుంటే అదే పాటైపోతుందా ?”అని పోట్లాటకు వచ్చింది ఆవిడ . ఇద్దరూ చాలాసేపు అరుచుకున్నారు . ఆమెతో పోట్లాటలో అలిసిపోయిన దుర్గమ్మ కోపంతో శాంభవి జుట్టు పట్టుకొని ఇంట్లోకి గుంజుకు పోయింది. “నువ్వు పెద్ద గాయనీమణిని అనుకుంటున్నావా ? నీ పాటకు వాడు పడిపోతాడనుకున్నావా ? విన్నావుగా నీది కాకి రూపం, కాకి గొంతు అని ఎట్లా అన్నారో !భోగం వేషాలేస్తున్నావు “అని అరుస్తూ శాంభవి చెప్పేది వినకుండా చీపిరి తీసుకొని ఇష్టం వచ్చినట్లు బాదింది . ఇంకా కసి తీరలేదు “నీ ఈ వేషాలతో నా పిల్లలూ చెడిపోతారు . ఇంట్లో నుంచి వెళ్ళిపో “అని బయటకు గెంటి   తలుపేసేసింది.”అత్తా తలుపుతీయి , ఇంకోసారి పాడను” అని ఏడుస్తూ ఎంత తలుపు కొట్టినా తలుపు తీయలేదు .ఎక్కడి కి వెళ్ళాలో తెలీక గుడికి వచ్చి కూర్చుంది . తలుచుకున్నా కొద్ది దు:ఖం ముంచుకు వస్తోంది . తల మోకాళ్ళలో పెట్టుకొని ఏడుస్తున్న శాంభవి తల మీద ఓ చేయి పడింది .

                                  ఉలిక్కిపడి తల ఎత్తింది . ఎవరో ఒకావిడ ఎదురుగా కూర్చొని వుంది . ఆమె ఎవరూ అన్నట్లు ఆమెవైపు చూసింది . “శాంభవీ ఏమిజరిగింది . ఎందుకేడుస్తున్నావు ?” అని తన పేరుతో అడిగేసరికి శాంభవి ఆశ్చర్యపోయింది . “నువ్వు నాకెలా తెలుసు అనుకుంటున్నావా ? నేను మీ వీధి చివర ఇంట్లో వుంటాను .లాయర్ ను . నాపేరు విమల. నీ గురించి నాకు అంతా తెలుసు .ఎప్పుడూ కళ్ళెత్తకుండా  పనులు చేసుకుంటూ వుండే దానివి . బయటకే రావు . ఈ రోజు ఇక్కడ కూర్చొని ఇలా ఏడుస్తున్నవేమిటి ?”అని ఆప్యాయంగా అడిగింది .అమ్మమ్మ చనిపోయిన తరువాత అంత ఆప్యాయత ఎరుగని శాంభవి కరిగిపోయి విమలకు జరిగిందంతా చెప్పింది .

                 “మరి ఇప్పుడు ఏమి చేస్తావు . కాసేపు ఇక్కడ కూర్చొని ఇంటికి వెళుతావా ? లేకపోతే నాతో వస్తావా ? నేను సంఘసేవికను కూడా . నీకు ఏదో దారి చూస్తాను .”అంది .

                    శాంభవి విమల చేయి పట్టుకొని “నాకేమీ తెలియదు .మీరు నన్ను తీసుకెళెతే వస్తాను.కాని నేను ఏమి చేయాలి ?”అని దీనంగా అడిగింది .

        “ముందు మా అమ్మ దగ్గరకు తీసుకెళుతాను . ఆమె ఒక్కతే వుంటుంది .చాతకానిది . ఆమెకు సహాయంగా వుందువుకాని. “అంది..

.                ఇంతవరకూ ఏరోజూ ఇంట్లో నుంచి బయటకు వెళ్ళలేదు .ఎప్పుడైనా గుడికి వెళ్ళినా తన రూపం మీద వెక్కిరింతలు వేళాకోళాలు . వాటితో మనసు పాడై బయటకే వెళ్ళదు . అయినా సమయం ఎప్పుడు దొరుకుతుంది ఇంటి పని తోటే సరిపోతుంది . అలాంటిది ఈ రోజు ఎవరో తెలియని వాళ్ళ ఇంటికి వెళ్ళాలంటే బెరుకుగా వుంది . అయినా తప్పటం లేదు .పరిపరి విధాల ఆలోచిస్తూ విమల వెంట వాళ్ళ అమ్మగారి ఇంట్లో అడుగుపెట్టింది . పెద్దావిడ , ఎదురుగా పడక కుర్చీలో కూర్చొని వున్నారు . శాంభవి గురించి విమల చెప్పగానే చాలా ఆదరంగా మాట్లాడారు . దానితో కొంచం భయం తగ్గింది . “ప్రస్తుతము ఇక్కడ వుండు . కొంచము నువ్వు తేరుకున్నాక నిన్ను చదివించాలా ? ఏదైనా పని నేర్పించాలా ?”ఆలోచిస్తాను అంది విమల. చిన్నగా లక్ష్మమ్మగారి ఇంట్లో అలవాటు పడింది .

                        చిన్నగా అన్నమయ్య కీర్తన పాడుకుంటున్న శాంభవిని “ఏదమ్మా పెద్దగా పాడు నేనూ వింటాను” అని అడిగింది లక్ష్మమ్మ .సిగ్గుపడుతూ పాడింది శాంభవి . “ఎంత బాగా పాడావమ్మా “అని మెచ్చుకుంది లక్ష్మమ్మ.అప్పటి నుంచి రోజూ శాంభవితో పాడించుకొని  వింటోంది .ఓరోజు విమల రాగానే శాంభవి పాట గురించి చెప్పింది .

           “నాపాటేముంది ఆంటీ . నాది కాకి గొంతు .”అని దిగులుగా అంది శాంభవి .

                  “ఎవరన్నారు ఎంతబాగా పాడుతున్నావు . ఇన్ని రోజులూ  నిన్ను ఎందులో చేర్పించాలా అని ఆలోచిస్తున్నాను . నిన్ను పాటల పోటీకి పంపుతాను . నీది కాకి గొంతన్నవారే నిన్ను మెచ్చుకునట్లుగా చేస్తాను “అంది విమల .

                 దిగులుగా వున్న శాంభవి మొహంలో తళుక్కుమని మెరుపు వచ్చింది .శాంభవిని సంగీతం క్లాస్ లో చేర్పించింది .  ఎలాగైనా పెద్ద గాయని కావాలని పట్టుదలగా సాధన చేస్తోంది శాంభవి .

                     శాంభవితో నాలుగు పాటలు పాడించి రికార్డ్ చేసి , ఆ  కాసెట్ “పాడుతాతీయగా ” పాటల పోటీకి పంపించింది విమల . పోటీలో ఎన్నిక కోసం రామోజీ ఫిలిం స్టూడియో కు రమ్మని పిలుపు వచ్చింది . విమల తో కలిసి రామోజీ ఫిల్మ్ స్టూడియో కు వెళ్ళిన శాంభవి అక్కడవున్న అభ్యర్ధులను చూసి ఒక్క క్షణం భయపడి విమల చేతిని గట్టిగా పట్టుకుంది . అంతలోనే తన గొంతును కాకి గొంతు అని వెక్కిరించిన అత్తయ్య , పక్కింటి ఆవిడా గుర్తొచ్చారు . పట్టుదల వచ్చింది . ధైర్యం తెచ్చుకుంది .అసలు అంత పెద్ద గాయకుడు యస్. పి బాలసుబ్రమణ్యం ముందు పాడే అవకాశం రావటమే గొప్ప . ఎలాగైనా ఆయనను మెప్పించాలి అనుకుంది . ధైర్యంగా పాడింది. “పాడుతాతీయగా “లో పాల్గొనేందుకు ఎన్నికైంది . మొదటి మెట్టు విజయవంతంగా ఎక్కిన శాంభవిని అభినందించారు విమల , లక్ష్మమ్మగారు .

                అప్పటి వరకూ అమ్మమ్మ ముందూ , లక్ష్మమ్మగారి ముందు తప్ప ఇంకెవరి ముందూ పాడలేదు .  రేపు స్టేజ్ ఎక్కి అందరి ముందూ పాడబోతోంది . స్టూడియోలో వాళ్ళే కాదు టి.వి ల ముందు కూడా ఎంతో మంది తన పాట వింటారు . తలుచుకున్నా కొద్దీ వుద్వేగంగా వుంది . ఎలా పాడుతానో అని టెన్షన్ గా వుంది . నిద్ర పట్టటం లేదు .అంతలోనే భయం , అంతలోనే పాడాలి గెలవాలి అనే పట్టుదల . చాలా టెన్షన్ గా గడిచిపోయింది రాత్రి .

                “శాంభవి “అని పేరు పిలవగానే తడబడే అడుగులతో వేదిక మీదకు వెళ్ళింది శాంభవి . వేదిక మీద శాంభవిని చూడగానే ప్రేక్షకులు అబ్బా అనుకున్నారు .    తనను పరిచయం చేసుకొని మైకు తీసుకొని ఓ క్షణం కళ్ళుమూసుకొని ,టెన్షన్ ను ఆపుకొని “జోరుమీదున్నావు తుమ్మెదా “అని పాడటం మొదలుపెట్టగానే తన భయము , ఎదురుగా వున్నప్రేక్షకులను మర్చిపోయి పాటలో మునిగిపోయింది . శాంభవి గొంతెత్తి పాడగానే అందరూ నిశబ్ధం మయిపోయారు సన్నగా తీగలా సాగుతూ , మధురం గా వున్న ఆ గాన మాధుర్యంలో మునిగిపోయారు .  హోరుమంటున్న  చప్పట్లతో ఈ లోకంలోకి వచ్చింది

                     అన్ని రౌండ్లనూ తృప్తికరంగా పూర్తిచేసింది .   ఒకొక్క ఎపిసోడ్ లో ,క్వాటర్ ఫైనల్స్ , సెమీ ఫైనల్స్ ను విజయవంతంగా పూర్తిచేసి , ఫైనల్స్ కు చేరుకుంది  ఫైనల్స్ కు చేరుకునేసరికి శాంభవికి ఎంతమందో అభిమానులు ఏర్పడ్డారు .  శాంభవి గెలవాలి అని కోరుకునేవారు . శాంభవి .ఎలాగైనా ఫైనల్స్ లో గెలుపొందాలని రాత్రి పగలు ఓ తపస్సులా పాటలను సాధనచేసింది . ఫైనల్స్ ను ఓ పెద్ద అడిటోరియం లో ఏర్పాటు చేసారు .వివిధ రంగాలలోని చాలా మంది ప్రముఖులు వచ్చారు . హాల్ అంతా ప్రేక్షకులతో నిండిపోయింది .ఆ అశేషజనవాహిని ని చూసి ఓ క్షణం బెదిరింది .కాని తన లక్ష్యం  గుర్తు తెచ్చుకొని ధైర్యం తెచ్చుకుంది . పోటీ మొదలైంది . అందరూ తమ శక్తి వంచన లేకుండా చాలా బాగా పాడుతున్నారు . ఎవరు పాడుతుంటే వారే గెలుస్తారు అనుకునేట్లుగా పాడుతున్నారు . అన్ని రౌండ్లూ పూర్తి అయ్యాయి . గెలుపెవరిదా అని అభ్యర్ధులంతా  టెన్షన్ గా  వేచి చూస్తున్నారు . మొదటి బహుమతి శాంభవి కి అని ప్రకటించగానే సరిగ్గా విన్నానా అని అనుకుంది శాంభవి . అందరూ అభినందిస్తుంటే నిజమే అనుకుంది . అన్ని రోజుల నుంచి ఆపుకున్న ఆరాటం , దు:ఖం ఒక్కసారే బయటకు వచ్చాయి . కళ్ళ నుంచి నీళ్ళు కారిపోయాయి . తనను తాను నిలవరించుకుంది . ఆ కార్యక్రమం చూసేందుకు వచ్చిన సంగీత దర్శకుడు కోటి తన వచ్చే సినిమాలో శాంభవికి  అవకాశం  ఇస్తున్నట్లుగా ప్రకటించారు.సంతోషం పట్టలేకపోయింది శాంభవి . అక్కడే వున్న యస్.పి. బాలసుబ్రమణ్యం పాదాలకు నమస్కరించింది . మెచ్చుకుంటునట్లుగా ఆయన శాంభవి భుజం తట్టారు .

                    తను ఈ స్తితికి చేర్చేందుకు ప్రోత్సహించి, తోడ్పడిన విమల పాదాలకు నమస్కరించింది . విమల ఆప్యాయంగా శాంభవిని దగ్గరకు తీసుకుంది .  “అభినందనలు శాంభవి .పట్టుదలగా కృషి చేసావు , గెలిచావు . నాకు తెలుసు నీకు వచ్చిన ఈ అవకాశాన్ని అందిపుచ్చుకొని పెద్ద గాయనివి అవుతావు . నీ రుపాన్ని వెక్కిరించినవారే నీ పాటను మెచ్చుకుంటారు . బాహ్యరూపం కన్నా నీలోని కళ గొప్పది అని నిరూపించావు . నువ్వు బాధపడతావని చెప్పలేదు కాని , నువ్వు ఇంట్లో నుంచి బయటకు వచ్చిన కాసేపటి తరువాత మీ అత్తయ్య తలుపు తీసి నీకోసం వెతుక్కుంది . నువ్వు ఏడుస్తూ అక్కడే పడి వుంటావనుకుంది . నువ్వు లేకపోయే సరికి ఖంగుతింది . ఆడపిల్ల ఎక్కడికిపోయిందో ఏమవుతుందో అన్న దిగులేమీ లేదు , పని చేసేవాళ్ళు లేరే అన్న దిగులు  తప్ప.నువ్వు టి . విలో కనిపిస్తున్నప్పటి నుంచి , నిన్ను బంధువుల ఇంట్లో వుంచి , సంగీతం నేర్పిస్తున్నానని , ఈ పోటీకి తనే పంపిస్తున్నానని అందరికీ చెపుతోంది . ఏదో ఒక రోజు నీ ఆచూకి తెలుసుకొని నీ దగ్గరి కి వచ్చినా వచ్చేస్తారు .నిన్ను వెక్కిరించి , ఎగతాళి చేసి , బాధపెట్టి నిన్ను ఇంట్లో నుంచి వెళ్ళకొట్టినవారే నీ దగ్గరకు చేరుతున్నారు . అదీ నీ గొప్పతనం , నీ మంచి తనం “అంటూ ఆప్యాయంగా శాంభవి నుదుటిమీద ముద్దు పెట్టుకుంది విమల .

 – మాలాకుమార్

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~`~~

కథలు, తొలి కథ, , , , , , , , , , , , , , , , , , , , , , , , , , , , , , , , , , , , Permalink

10 Responses to మట్టిలో మాణిక్యం

  1. lakshmi says:

    చాల చాల బావుంది కధ …మాల గారు …. మనసును కదిలించింది …..

  2. mala says:

    కృష్ణారెడ్డి గారు, శారదగారు,వనజ గారు,రమేష్ రెడ్డి గారు,
    మీకందరికీ నా తొలి కథ నచ్చినందుకు ధన్యవాదాలండి.
    ఇంత ఆలశ్యంగా ధన్యవదాలు తెలుపుకుంటున్నందుకు చాలా చాలా సారీ. నేను ఇంతవరకూ ఇవి చూడలేదు. నా కథ కు ఎవరు కామెంట్ రాస్తారు అనుకున్నాను. అనుకోకుండా ఈ రోజు చూడటం జరిగింది. ఆలశ్యానికి క్షమించండి.

  3. ramesh reddy says:

    madam..
    good inspiration story for who are suffered with their family problems , .etc.. This story is vvvvgood..

  4. మాలా కుమార్ గారు .. కథ చాలా బావుంది, విమలల అవసరం చాలా చాలా ఉంది.
    ప్లెయిన్ గా కథ బాగా వ్రాసారు. అభినందనలు

  5. sarada says:

    చాలా బాగుందండీ.ilanti కధలు ఇంకా ఎన్నో raavaali ప్రస్తుతం. మీ కధలోలాంటి విమలల అవసరం

    ఏంతో వుంది mana samajamlo.

  6. krishnareddy.kalmekolen says:

    పుట్టగానే తల్లిని పోగొట్టుకుని,ఆడపిల్లని,అందవిహినురాలని తండ్రి ఈసడించి వదిలేసినా అమ్మమ్మ కొంతకాలం పెంచి
    శాంభవి లోని కోయిల గొంతుని చూసి సంగీతం లో తొలి మెట్టు ఎక్కించి పరమపదించినా,మేనత్త
    మామల నిరాదనకు గురై ఇంట్లోనించి గెంటి వేయ బడిన శాంభవికి ,తూపానులో చిక్కిన నావను రక్షించినట్లు
    ఎగబాకే లతకు ఆదారం దొరికినట్లు సంగాసేవిక విమల ఆదరించి, ప్రోత్సాహంఛి న తీరు,శాంభవి తను అందవీకారి
    అనే బెరకు తన్నాన్నిపోగోట్టు కొని ఆత్మ స్థైర్యం తో పాటల పోటీలో నెగ్గి ఈసడించిన వారేచే శేభాస్ అని పించుకుంది!
    మాలకుమార్ వ్రాసిన మట్టిలో మాణిక్యం రచనను చదేవితే ఆడపిల్ల,అందవిహిను రాలు అని పారేద్దమనుకునే తల్లుల్లు ఇక పారేయ్యను పెంచుకుంటాను అనే నిర్ణయానికి వస్తారు! ఇప్పుడున్న పరిస్థితులలో మీ ఈ చిన్న కథ చీకటిలో దివిటి లాంటిది!

  7. malapkumar says:

    వెన్నెల గారు , పప్పు శ్రీనివాస్ గారు ,శ్రీలలిత గారు ధన్యవాదాలండి .

  8. ennela says:

    విమలల అవసరం ఎంతో ఉందండీ. నాకు తెలిసిన ప్రతి శాంభవి కీ విమలలు దొరకాలని ఆశ కలుగుతోంది.
    మీరు కథలు ఇంకా చాలా చాలా రాయాలని కోరుకుం టున్నాను

  9. శ్రీనివాస్ పప్పు says:

    బావుందండీ కధ,మరిన్ని మంచి కధలు మీనించి రావాలని కోరుకుంటూ అభినందనలు

  10. slalita says:

    హృదయపూర్వక అభినందనలండీ.
    మీరు ఇలాంటి మంచి కథలు ఇంకా చాలా చాలా రాయాలని కోరుకుం టున్నాను.

Leave a Reply

Your email address will not be published. Required fields are marked *

(కీబోర్డు మ్యాపింగ్ చూపించండి తొలగించండి)


a

aa

i

ee

u

oo

R

Ru

~l

~lu

e

E

ai

o

O

au
అం
M
అః
@H
అఁ
@M

@2

k

kh

g

gh

~m

ch

Ch

j

jh

~n

T

Th

D

Dh

N

t

th

d

dh

n

p

ph

b

bh

m

y

r

l

v
 

S

sh

s
   
h

L
క్ష
ksh

~r
 

తెలుగులో వ్యాఖ్యలు రాయగలిగే సౌకర్యం ఈమాట సౌజన్యంతో

Enable Google Transliteration.(To type in English, press Ctrl+g)