నానుంచి శాశ్వతంగా
విదిపోదామనుకుంటున్నావా నువ్వు ?
గుర్తుగానైనా ఉండిపోతుంది
వెళ్లేముందు నాకో గాయాన్నివ్వు
-నూర్ ఇందౌరి
నేను అనుకునే వాణ్ని
ప్రేమంటే ప్రణయ కలాపం
ఆ తరువాత తెలిసింది
అది ఒక రుధిర విలాపం
– అసర్ లఖ్నవీ
హాయిగా ఏడ్చుకునే
స్వేఛ్చ కావాలి ఫానీ
ఇది ఆమె ఉండే వీధి
తెలుసుకో ! నీ దుఃఖశాల కాదని
-ఫానీ
విరిగిపోతే
అతికించలేమిక
ఇది మనసు సుమా
కాదు మధు పాత్రిక
-నూర్ తకీనూర్
– అనువాదం ఎండ్లూరి సుధాకర్
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~