ఈ రాత్రి నీకు చివరి ఉత్తరం రాస్తాను
ఎవరికెరుక ఈ దీపం ఉదయం దాకా వేలుగుతుందో లేదో !
బాబుల విస్ఫోటనాల యుగంలో ప్రియా !
ఇలాంటి వెన్నెల గాలి మళ్ళీ వీస్తుందో లేదో !
-నీరజ్
ఉచితంగా హృదయాన్ని తీసుకుని
ఆమె అంటుంది ఇది పనికి రాదనీ
పైగా అపనిందలు కూడా
మరి చేసిన మేలంతా ఎటు పోయిందని ?
– దాగ్
నా హృదయంలో నీ చేతులలోని
దేనికి చోటివ్వను ఓ హంతకీ !
కత్తి పీటకా ? ఖడ్గానికా ?
బాకుకా ? బాణానీకా ? దేనికి ఇంతకీ ?
-జఫర్
ఎవరికైనా అయిందో లేదో
నీ అందం దర్శనీయం
నీ గురించి మాత్రం
ప్రతి ఇంట్లోనూ చర్చనీయం
– సాహిర్ సియార్ కోటీ
– అనువాదం : ఎండ్లూరి సుధాకర్
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
