మనసు అద్దంలో
ఇష్టపడే ఆలోచనలను అక్షరాలతో
అలంకరించిన ప్రతిరూపమే
“నీవు”
కలకన్న ప్రతి భావాన్ని
కవితా పుష్పాలుగా మార్చి
పూజించిన ప్రతిఫలమే
“నీవు”.
మనసు మోసిన నిజాలతో
మౌనంగా జీవించిన
మధురానుభూతి
” నీవు”.
అక్షరాలా అభిమానాన్ని
ఊపిరిగా మార్చుకొని
ఊహలు కన్న బంగారు స్వప్నం
“నీవు”.
పరిమళించిన పరిచయంలో
పవశించిన ప్రతిక్షణానికి
ప్రతిరూపం
“నీవు”.
అనుకోని అదృష్టంలా
కలిసొచ్చిన చెలిమిలో
మనసు మెచ్చిన మనసు
“నీవు”.
-చందలూరి నారాయణరావు
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
One Response to మనసు మెచ్చిన నీవు (కవిత)-చందలూరి నారాయణరావు