ఆ పూబోడి సోయగాన్ని
చూస్తుంటే ఎంత విచిత్రం ?
ప్రాభాత సమీర స్పర్శకే సుమా !
ఆ సుమగాత్రి అయ్యింది కలుషితం
-ఈషా
నాలో నేనే ఉంటున్నాను
నీ కోసమే పరితపిస్తుంటాను
దినమంతా నీ వీధిలో పడి
దుఃఖపు రాళ్ళను ఏరుకుంటున్నాను
-నాసిర్ కాజ్మీ
చేతులెత్తి ఒళ్లు కూడా
విరుచుకోలేక పోయింది
నన్ను చూడగానే నవ్వి
అమాంతం హస్తాల దించేసింది
-నిజాం రాం పురీ
కలుసుకుందాం ! అనే మాట
అలవోకగా అనేసింది
ఎక్కడ ? అని అడిగే సరికి
‘కలలో’ అంటూ కదిలిపోయింది
– అమీర్ మీనాయీ
– అనువాదం ఎండ్లూరి సుధాకర్
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~