ఎండ్లూరి సుధాకర్
నా పేరు ఆమె కళ్లల్లో
రాసి వుంది
బహుశా ఏ కన్నీరో
దాని చెరిపేసి ఉంటుంది
-బషీర్ బద్ర్
తొలి వేకువ కిరణాలలో
కరిగి నా పై వర్షించు
కటిక చీకట్లో శయనించిన నాకు
ఒక మెలకువ కలిగించు
-అబ్దుల్ మతీన్ ఆరీఫ్
కాశ్మీరు పూల మీద
మంచు బిందువులు నర్తిస్తున్నాయి
మరి ఎక్కడి నుండి
ఈ రక్తపు చినుకులు వర్షిస్తున్నాయి ?
-రఫిక్ గిరిధర్ పురీ
నా బాధని అర్ధం చేసుకునే వాళ్ళు
ఎందరున్నారీ నగరంలో
తేరి పార చూస్తున్నాను
నవ్వుతున్న మొహాల్లో
-షాయర్ లఖ్నలీ
-– అనువాదం ఎండ్లూరి సుధాకర్
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
