’భారత దేశ అడ్వోకేట్ యాక్టి విస్ట్’’ –ప్రమీలా నిసర్గి(వ్యాసం ) -గబ్బిట దుర్గా ప్రసాద్

1938మార్చి నెల 25న ప్రమీలా నిసర్గి కర్ణాటకలోని మైసూర్ లో పుట్టింది .తల్లి స్వాతంత్ర్య సరయోధురాలు .తండ్రి స్వయం వ్యక్తిత్వమున్న వాడు .ఆకుటుంబం లో కాలేజీకి వెళ్లి చదివిన మొదటి వ్యక్తి  ప్రమీల .1958లో బి.ఎస్. సి .చదివి పాసై ,1960లో ‘’బాచిలర్ ఆఫ్ లాస్’’ చదివి డిగ్రీ పొందింది .’’లా ‘’లో గ్రాడ్యుయేట్ డిగ్రీ 1963లో అందుకొన్నది .’’మాస్టర్ ఆఫ్ లాస్ ‘’ అంటే న్యాయశాస్త్ర సిద్ధాంత అధ్యయనం కు (జూరిస్ ప్రుడెన్స్ )అర్హత సాధించిన మొదటి మహిళగా గుర్తింపు పొందింది .

  ప్రమీల తన న్యాయ వాద జీవితాన్ని ఎం.ఎల్.చేస్తూనే ,అండర్ గ్రాడ్యుయేట్-ఎల్.ఎల్ .బి.  అయిన తన లెక్చరర్, గ్రాడ్యుయేట్ క్లాసులు బోధించటం పై ధైర్యంగా రిట్ పిటీషన్ వేయటం తో  ప్రారంభంచి౦ది .ఆ తర్వాత అనేక  సంచలనాత్మక ,సున్నితమైన కేసులు చేబట్టి, సమర్ధంగా వాదించి మంచి లాయర్ గా పేరు పొందింది .మహిళలకు వెన్ను దన్ను గా నిలిచి ,వారికి జరుగుతున్న అన్యాయాల నుండి విముక్తి చేయటమే జీవిత ధ్యేయంగా భావించింది .అంతకు కొన్ని దశాబ్దాల ముందు లాయర్ వృత్తి అంటే మగవారికి మాత్రమే అన్నట్లు ఉండేది .ఆ అపప్రధను తొలగించి మహిళా న్యాయ వాదులు కూడాసర్వ సమర్దులే అని చాలెంజి చేసితన వాదనలద్వారా  నిరూపించి,ప్రముఖ లాయర్ గా కీర్తి గడించింది ప్రమీల .అనేక వివాదాస్పదమైన కేసుల్లో మంత్రులకు వ్యతిరేకంగా వాదించి ,అభాగ్యులకు న్యాయం చేకూర్చింది .నాయకుల అన్యాయం ,అవనీతి పై తీవ్ర పోరాటమే చేసి విజయం సాధించిన  మహిళా యోధురాలు లాయర్ ప్రమీల .

   1978లో ప్రమీలా నిసర్గి రాజకీయ అరంగేట్రం చేసింది .మొదటి మహిళా సెనేట్ మెంబర్ అంటే ఎం.ఎల్ .ఏ.గా కర్ణాటక అసెంబ్లీ కి జనతా పార్టీ తరఫున పోటీ చేసి,  ఎన్నికై,చరిత్ర సృష్టించి,1978నుంచి అయిదేళ్ళు 83వరకు ఉన్నది .బెంగుళూరు లో చామరాజపేట్ అసెంబ్లీ స్థానం నుంచి పోటీ చేసి గెలిచింది .1991లో నార్త్ బెంగుళూరు నుంచి పార్లమెంట్ కు పోటీ చేసి సి.కె.జాఫర్ షరీఫ్ చేతిలో ఓడిపోయింది .మళ్ళీ 1991లో బెంగుళూరు చామరాజు పేటనుంచి  శాసన సభకు ఎన్నికై 1994వరకు ప్రజా వాణి వినిపించింది .2007లో ప్రమీల రాష్ట్ర మహిళా సంఘానికి అధ్యక్షురాలు –చైర్ పర్సన్ అయింది .2007నుంచి 2014వరకు ‘’ఇండియన్ వుమెన్ లాయర్ ‘’కు ప్రెసిడెంట్ గా పని చేసింది .

  బాల కార్మికులు ,హౌస్ అండ్ రెంట్ కంట్రోల్ ,పని చేసే చోట సెక్సువల్ హింస ,గృహ హింస ,ఖైదీల దుస్థితి మొదలైన సున్నితమైన అంశాలపై రాష్ట్ర ,కేంద్ర ప్రభుత్వాలకు అనేక రిపోర్ట్ లను అందజేసింది .అసంఘటిత వర్గాల హక్కులకోసం నిలబడి పని చేసింది .హిందూ ,మహమ్మదీయ చట్టాల వలన మహిళలు ఎదుర్కొంటున్న ఇబ్బందులను ప్రభుత్వాలకు తెలియ జెప్పుతూ వాటిలో రావాల్సిన సంస్కరణలను సూచించింది .క్రిమినల్ ప్రొసీజర్ లా ,ఎవిడెన్స్ యాక్ట్ ,సైబెర్ యాక్ట్ ,సమాచార హక్కు చట్టం లలో పునర్విమర్శ –రివిజన్ కు  సిఫార్సు చేసింది .విద్యా కమిటీలో సభ్యురాలై, ఆమె సూచించినవిషయాలు విధానాలను అందరూ అంగీకరించి మెడికల్ ,టెక్నికల్ ,సాధారణ విద్యలలోఅమలు జరిపి ప్రభుత్వం గొప్ప మేలు చేకూర్చింది .విద్యా కమిటీలో ఉండగా, అనేక యూని వర్సిటీలు సందర్శించి ,అక్కడి ఉత్సవాలలో పాల్గొన్నది .శాసన సభ్యురాలిగా ఉంటూ ,ప్రభుత్వం లో చాలా విషయాలలో సామర్ధ్యంగా పని చేసి, తన శక్తి నిరూపించింది నేగి .’’సామ్రాగ్నిస్వ ఉద్యోగ్ ట్రస్ట్’’ కు అధ్యక్షురాలై స్త్రీజన నైపుణ్యాభి వృద్ధికీ ,స్పెషల్ చిల్డ్రన్ ల నైపుణ్యాభి వృద్ధికీ గొప్ప కృషి చేసింది..

  ప్రమీలా నిసర్గి కి సాహిత్య రంగం కూడా చాలాఅభిమాన విషయమే . ’’కామెంటరి అండ్ హౌస్ అండ్ సెంట్రల్ యాక్ట్ ఆఫ్ కర్ణాటక ‘’అనే అత్యంత విలువైన గ్రంథం రచించింది ప్రమీల. కన్నడ సాహిత్య పరిషత్ తో ఆమెకు విడదీయరాని ప్రత్యేక అనుబంధం ఉన్నది.కర్ణాటక సాహిత్య ప్రముఖులకు ఎందరికో తన చేతులమీదుగా ఘనసన్మానం చేసింది .2018ఆగస్ట్ లో ప్రమీల కు’’ పవర్ బ్రాండ్స్ సంస్థ— ‘’భారతీయ మానవతా వికాస్ పురస్కార్’’అందించి గౌరవించి సత్కరించింది .భారత దేశం లో ప్రమీలా నిసర్గి గౌరవ ప్రదమైన ప్రముఖ ‘’ ఆడ్వొ కేట్ యాక్టి విస్ట్’’గా నూ ,చట్టం ,న్యాయాల సంస్కరణల సంధానకర్త గా చిర కీర్తి నార్జించింది .అసాధారణ రాజకీయ నేతృత్వం ,నిశిత దృష్టి,చాతుర్యం ,సామాన్యమానవుల అభివృద్ధికై అసాధారణ కృషి ,రేపటి పచ్చదనం పై అవిశ్రాంత కృషి ,ఎవరూ అందుకోలేనంత సర్వ సమర్ధత కు చిరునామా ప్రమీల నిసర్గి .   

  -గబ్బిట దుర్గా ప్రసాద్

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

వ్యాసాలుPermalink
0 0 vote
Article Rating
Subscribe
Notify of
guest
0 Comments
Inline Feedbacks
View all comments