విముక్తి కావాలి (కవిత )- నక్క హరిక్రిష్ణ

నిన్నటిదాకా తెలియనే లేదు
నేనున్నది గాడాంధకారంలోనని
చేతన రేఖలకి అడ్డం పడుతున్న
సజీవ సమాధుల తెరచాటున అని
మార్మిక దాడి జరుగుతున్నా
చలనంలేక బూడిద మిగిల్చిన ప్రమత్తతలోనని

కళ్ళలో కణవిస్పోటనమయ్యింది
చూపులు విచ్చుకునే సరికి
నాలోకి పరకాయ ప్రవేశమయ్యింది
వివాద రాగం ఆలపిస్తూ
గులాబీలని భ్రమింపజేస్తు
ఎవరో నా స్వేచ్ఛను బందీ చేస్తున్నరు
వక్ర గీతలల్ల దింపి వేయిస్తున్నరు
తెల్లటి ఫలకాల మీద
నెత్తురు చిత్రాలను గీస్తున్నరు
నా కలల సౌధాన్ని కూలుస్తున్నరు

మెదడు నిండా చీకటి ఒంపుకున్న
ఆ కుటిల స్పర్శ ఎవరిదో తెలిసింది
కత్తులు విరుచుకున్న వ్యూహం పన్ని
మనిషితనాన్ని మెల్లమెల్లగా మింగుతున్న
విలువల భక్షకుడి ఆనవాలు దొరికింది

వాడి చూపుడు వేలు శాసనానికి
కాగితాన్ని నలుపు చేసే సిరాచుక్క
కలాన్ని కూడా నలుపు చేసింది
రచించిబడిన కుటిల తంత్రంలో
వాడికి వశమై తిరుగుతుంది
హింసోన్మాధం
పైశాచికం ఆహ్లాదమయ్యి
మరణ సముద్రాలు తవ్వుతున్నడు
రంపపు కోరలు చెక్కుతున్నడు
నేనంటే వాడికి ఒక మాంసపు ముద్ద
గ్లాసులో నింపుకున్న నెత్తుటి చుక్క

విధ్వంసం వాడి ఆయుధం
నిర్దాక్షిణ్యం వాడి అర్హత
వాడు విస్తరించిన చోటల్లా
కంటకాలు మొలుస్తున్నయి
బాల్యాపు రెమ్మలను సైతం నములుకుంటు
బలిపీఠాలను నిర్మిస్తున్నడు
ఎల్లలు లేని మారణహోమాన్ని
కలలు కంటున్నడు

వాడి ఎత్తుగడల ఆలింగనాలలో
పన్నాగపు ఉచ్చులో పడింది తెలియక
అక్షరాలకు స్థిమితం తప్పింది
స్వీయ హస్తాలతో
కాళ్ల కింద నేలను
కబేళాలకు ఈడ్చుతున్నయి

బతుకు అపహరించబడింది

నాకిప్పుడు
ఉచ్ఛ్వాస నిశ్వాసలకు భరోసా కావాలి
ఆత్మరక్షణకు
ఆయుధం కావాలి
మెదడుకు వేసిన సంకెళ్లనుండి
విముక్తి కావాలి.

– నక్క హరిక్రిష్ణ

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

కవితలుPermalink

Leave a Reply

Your email address will not be published. Required fields are marked *

(కీబోర్డు మ్యాపింగ్ చూపించండి తొలగించండి)


a

aa

i

ee

u

oo

R

Ru

~l

~lu

e

E

ai

o

O

au
అం
M
అః
@H
అఁ
@M

@2

k

kh

g

gh

~m

ch

Ch

j

jh

~n

T

Th

D

Dh

N

t

th

d

dh

n

p

ph

b

bh

m

y

r

l

v
 

S

sh

s
   
h

L
క్ష
ksh

~r
 

తెలుగులో వ్యాఖ్యలు రాయగలిగే సౌకర్యం ఈమాట సౌజన్యంతో

Enable Google Transliteration.(To type in English, press Ctrl+g)