శ్రావణ మాస గాఢాంధకారం
ఏకాంత ప్రశాంత వాతావరణం
మరచిపోయిన గాధలేవో
స్ఫురిస్తున్న తరుణం …
-జిగర్ మురాదాబాదీ .
దారి కఠినం , గమ్యమూ దూరం
ప్రతి అడుగూ చూసి వేయాలి
నడకలో గుచ్చుకునే ప్రతి ముల్లునీ
నడుస్తూనే తీసి వేయాలి ..
– నియాజ్ హైదర్
జీవితంలో అందరూ ప్రేమిస్తారు
ప్రాణేశ్వరీ ! మరణించినా నిన్నే స్మరిస్తుంటాను
నిన్నొక ఊపిరిలా గుండెల్లో పదిలపరిచాను
నిన్ను అదృష్ట రేఖల్లోంచి దొంగిలించాను ….
-ఖతీల్ షిఫాయీ
నేనూ మౌనంగా ఉన్నాను
తానూ నిశ్శబ్దంగా ఉంది
ఒక నాజూకు విషయమేదో
మా మధ్యన నలుగుతోంది …
-ముల్లా
అనువాదం: –ఎండ్లూరి సుధాకర్
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~