అక్కా నాకేదో అనుమానంగా ఉంది మంజీర గర్భవతి అని అడిగితే కాదని చెబుతున్నది నువ్వొకసారి గట్టిగా కనుక్కో… కమల చెబుతుంటే శ్యామల దాన్ని కొట్టి పడేసింది. అసొిందేమీ లేదు. అది ముందే లావు… ఈ మధ్య ఇంకా లావయ్యి పొట్ట అట్ల కన్పిస్తున్నది. అయినా కన్న తల్లిని నాకు చెప్పకుండెట్లుంటది అన్నది శ్యామల. అలా అన్నదే కానీ మనసులో ఏదో ఆందోళన మొదలయ్యింది. సంవత్సరం తర్వాత వచ్చింది మంజీర తన దగ్గరికి ఈ మధ్య ప్ రాకపోకలు తగ్గించేసింది. ఫోన్ కూడా దాదాపు మానేసింది చేయడం. తను చేస్తే మోగుతుంది కానీ ఎత్తదు లేదా స్విచ్ఛాప్ వస్తుంది.
అత్తగారు కాలం చేస్తే వచ్చింది. వెంట అల్లుడు కూడా వచ్చారు. మనమరాలు తొమ్మిదేళ్ళ కీర్తనని తీస్కుని… రాత్రి వెళ్ళిపోతారట. ఉండమన్నా ఉండడం లేదు. ఇద్దరూ ఎందుకో మూడీగా ఉన్నారు. నానమ్మ పోయిన దిగులేమో అనుకుంది తను.
”మంజీ… నెల తప్పినవా ఏంది చెప్పు?” అనడిగింది తను.
మంజీర ఖంగారు పడింది. ఈ లోపల అల్లుడు నగేష్ అందుకుని ”లేదత్తయ్యా – పనా పా మా అమ్మ చేసి పెడ్తుంటే తిని కూసుంటుంది మరి లావెక్కక ఇంకేమవుతుంది చెప్పండి? మా బస్సు టైం అవుతుంది వెళ్ళొస్తాం అత్తయ్యా. మంజీ… కీర్తన బయల్దేరండి అని భార్యాపిల్లల్ని తీస్కెళ్లిపోయాడు. అయ్యో దినాలు పూర్తయ్యే దాకన్నా ఉండనీయకపోతివి నగేష్ అని శ్యామల అంటూనే ఉంది.
ఆ రాత్రి నిద్ర పట్టలేదు శ్యామలకు. కూతురు మంజీర రూపమే కళ్ళముందు కదలాడసాగింది. సరిగ్గా తొమ్మిదేళ్ళయ్యింది మంజీరకి పెళ్ళై. ఉమ్మడి కుటుంబంలోకి రెండో కోడలుగా వెళ్ళింది. అప్పికే మంజీర యారాలు సంగీతకి ఐదేళ్ళ, రెండేళ్ళ కొడుకులున్నారు. పెళ్ళైన రెండేళ్ళ దాకా మంజీర గర్భం దాల్చలేదు. అప్పికీ మంజీర పైన విపరీతమైన ఒత్తిడి పిల్లలు కలగటం లేదని తమతో పెళ్ళైన ప్రతి ఒక్కళ్ళకీ స్నేహితుల్లో, బంధువుల్లో పిల్లలైనారనీ నగేష్లో ఆందోళన పెరిగింది. ”మంజీర అత్తగారు కూడా తనకు ఆరోగ్యం బాగోలేదనీ, నగేష్కి కూడా పిల్లలు పుడితే చూడాలని ఉందనీ అనసాగింది. ఇక అప్ప్నించే మంజీరకు గైనిక్ చెకప్స్ మొదలైనవి. మంజీర కొద్దిగా లావుగా ఉండడం వలన ఈ సమస్య వస్తున్నదనీ ఆమె వాకింగ్ యోగా చేస్తే సమస్య పరిష్కారం అవుతుందనీ అండం సరిగా విడుదల అవడానికి హార్మోన్ల చికిత్స మొదలెట్టింది . యోగా చేసి లావు తగ్గింది. ఆర్నెల్లకీ కీర్తన కడుపున పడ్డది. నగేష్ సంతోషించినా మగ పిల్లడైతే బాగుండేది అన్నకిద్దరున్నరు అని అసంతృప్తిని వ్యక్తపరిచాడు. అంతితో ఆగలేదు ఈ సారి మగపిల్లాణ్ణి కనాలన్నాడు అదేదో మంజీర చేతిలో ఉన్నట్లు. అయ్యింది సిసేరియన్ ఆపరేషన్ కాబట్టి ఇంకో రెండు సంవత్సరాలు పిల్లల్ని కనకూడదని డాక్టరు నగేష్కి ఖచ్చితంగా చెప్పబట్టి ఆగాడు కానీ లేకపోతే మళ్ళీ వెంటనే మరోసారి బిడ్డను కనడానికి సిద్ధమయ్యేవాడే నగేష్.
చూస్తుండగానే రెండేళ్ళు గడిచిపోయినాయి. మగపిల్లాడు పుట్టానికేమైనా ప్రత్యేక ఆహారం, చికిత్సా పద్ధతులున్నవారు ఉంటే చెప్పండి. డాక్టర్ ఈసారి ఎట్లైనా మగపిల్లవాడే కావాలి అన్న నగేష్ మాటలకి డాక్టర్ కోపంతో విరుచుకుపడ్డది.
అలాంటి పద్ధతులేవీ లేవు… అయినా ఆడపిల్ల పుట్టానికి మగవాళ్ళలోని ఎక్స్ ఎక్స్ క్రోమోసోములే కారణం. కానీ ఆడది కాదు… ఎవరు పుట్టినా స్వీకరించాల్సిందే అని కౌన్సిలింగ్ ఇచ్చి పంపింది. ఈసారి కూడా మంజీరకి హార్మోన్ చికిత్స మొదలయ్యింది. ఈ మందులు వాడుతుంటే వాంతులై వికారంగా ఉంటుంది. కళ్ళు తిరుగుతుంటాయి డాక్టర్ అని కళ్ళ నీళ్ళతో చెప్తున్న మంజీరవైపు డాక్టర్ నిస్సహాయంగా చూస్తూ ఈసారి ఎవరు పుట్టినా కుటుంబ నియంత్రణ ఆపరేషన్ చేయించుకొందువు మంజీరా అని చెప్పింది. ఏం కాదు తియ్యు… కొడుకు కోసం గా మాత్రం కష్టం పడలేవా అని నగేష్ గద్దించినట్లే అన్నాడు. మంజీర మళ్ళీ గర్భం దాల్చింది. నగేష్ సంతోషం పట్టలేకపోయాడు.
డాక్టర్ చెకప్లో మంజీరకు బీ.పీ. మొదలైందని బయటపడింది. బీపి మందులు రెగ్యులర్గా వాడు, ఏమన్నా అనారోగ్యంగా కాళ్ళ వాపు, కళ్ళు తిరగడం – ఫిట్సు రావడం లాంటి లక్షణాలుంటే వెంటనే రామ్మా అని చెప్పింది.
మూడో నెలలోనే బీపీ 200 దాకా పెరిగిపోయి అబార్షన్ అయిపోయింది. బిడ్డ చాలా నీరసపడిపోయింది. రక్తం చాలా పోయింది. నగేష్ చాలా నిరుత్సాహపడ్డాడు. సంవత్సరం వరకూ చాలా జాగ్రత్తగా ఉండాలనీ గర్భం ఇప్పుడుప్పుడే వద్దని చెప్పింది డాక్టర్. నగేష్ వినలేదు. ఆర్నెల్లు తిరగకుండానే మళ్ళీ నెల తప్పింది మంజీర. ఈ సారి కూడా హై బీపి వచ్చింది. మందులు వాడుతూనే ఉంది. ఒళ్ళంతా వాచిపోయి బెలూన్లా ఉబ్బిపోయింది. కాళ్ళు ముఖం ఉబ్బిపోయాయి. జాగ్రత్త ఈసారన్నా గర్భం నిలుపుకో నాకో వారసుణ్ణి కనివు అని హెచ్చరిస్తూనే ఉన్నాడు నగేష్. ఇంటిలో ఒక పని మనిషి లేదు. మంజీరే చెయ్యాలి వాకిలి ఊడ్వడం దగ్గర్నించి బాసాన్లు తోమడం వరకూ పన్లన్నీ మంజీరే చెయ్యాలి. ఎక్కడన్నా నగేష్ పనిమనిషిని పెట్టు చేస్కోలేకపోతున్నదంటే ఎందుకత్తయ్య ఏం పని ఉంటుందని? ఆ ఇంత పని లేకపోతే ఒంటికి ఎక్సర్సైజ్ మెల్లగా చేస్కుంటుందిలే… అని కొట్టి పడేసేవాడు.
ఎప్పుడన్నా తను వెళ్ళి చేస్తేనే బిడ్డకు రెస్టు. ఈసారి గర్భం మంజీరకు ప్రాణాంతకమైంది. ఐదవ నెలలో బిడ్డ కదలికలు ఆగిపోయినాయి. మంజీరకు తెలియలేదు. ఆరో నెలలో డాక్టరు దగ్గరకు వెళితే బీపీ 230 పెరిగిపోయింది. స్కానింగ్లో పిండం చనిపోయి ఇరవై రోజులైపోయిందని తెల్సింది. వెంటనే అబార్షన్ చేసేసి గర్భసంచి శుభ్రం చేసేసారు. లోపలంతా పిండం కుళ్ళిపోయింది. చావు నుంచి తప్పించుకున్నది మంజీర.. ఇక ఈ అమ్మాయికి ప్రెగ్నెన్సీ చాలా ప్రమాదకరం మరోసారి గర్భం వస్తే బతకదు. ఇక గర్భం దాల్చకూడదు. అమ్మాయికన్నా కుటుంబనియంత్రణ ఆపరేషన్ చేయించండి లేదా నువ్వన్నా వేసెక్టమీ చేయించుకోవాలి అని డాక్టర్ నగేష్కి ఖచ్చితంగా చెప్పింది. చక్కగా ఒకమ్మాయి ఉంది. మంచిగా పెంచుకుంటే సరిపోతుంది కదా… ఖచ్చితంగా ఆమె నీకు వారసుణ్ణి కనిచ్చి తీరాలా ఆమె దేహం ఏమన్నా యంత్రమా లేక ఆమె ఏమన్నా ప్రయోగశాలలోని జంతువా అని సీరియస్ అయ్యింది కూడా… ఈ ఐదేళ్ళలలో ఒక కాన్పు సిజేరియన్, హైబీపీతో రెండు అబార్షన్లతో మంజీర దేహం పచ్చి పుండైపోయింది. గర్భం అంటేనే భయపడి పోతున్నది. నావల్ల కాదిక అని చివరి అబార్షన్ అయినపుడు వెక్కి వెక్కి ఏడ్చింది బిడ్డ. ఇంటిలో అందరూ సమావేశమై నగేష్కి ఇంక మంజీరతో వారసుణ్ణి కనే తతంగం ఆపించాలని ఖచ్చితంగా చెప్పాలని నిర్ణయించుకున్నారు.
”మీరెవ్వరు చెప్పినా వాళ్ళు వినరు. అమ్మా నువ్వు అమనకు అంతా వాళ్ళిష్టం” అంది భయంగా మంజీర.
ఊర్కొంటే నీ ప్రాణాలకు ప్రమాదం కదా మందీ అంది తను.
”ఏమోనే ఏమనకుండ్రి వాళ్ళిష్టం” అంది మంజీర ఏడుస్తూ.
”పద నేను చేయిస్తా నీకు ట్యూబెక్టమీ వాళ్ళకు చెప్పకుంటే అయిపోతది” అంది కోపంగా లోపల భర్త సంతకం, అనుమతి తప్పని సరి అని తెల్సినా.
”అమ్మో ఇంకేమన్న ఉన్నదా అమ్మా ఒద్దు” అన్నది మంజీర భయంతోి.
మంజీర కొంచెం కోలుకున్నాక తను ఊరికి బయలుదేరి వచ్చేసింది. తర్వాత మంజీరని ఎన్నిసార్లు ఇంటికి పిల్చినా రాలేదు. ఏ సమాచారం లేదు. ఫోన్ చేసినా రింగవుతుంది కానీ ఎత్తరు లేదా అవుాఫ్ రీచ్ అనే వస్తుంది. అల్లుడికి చెస్తే ఏమో అత్తయ్యా బాత్రూంలో ఉందేమో, బయటకెళ్ళిందేమో మంజీర ఫోన్ సరిగా పని చెయ్యటం లేదని చెప్పేవాడు. తన ఇద్దరి కొడుకులు వాట్సప్లో పెట్టిన మెసేజ్లకి బాగున్నా, అవును, లేదు, ఓకె లాంటి ముక్తసరి ఎప్పుడన్నా నగేష్ దగ్గరుండి తన ఫోన్లో మాట్లాడించేవాడు అవును, కాదు లాంటి ముక్తసరి సమాధానాలు చెప్పేది. ఏదో దాస్తుందని అనిపించేది. ”వాట్సప్లో అన్నలిద్దర్కి కూడా ఒక్క మాటలో సమాధానాలు ఏమిటే మంజీరా” అంటే ”గవి నేను పెడ్తలేనే మా ఆయనే పెడున్నడు నా ఫోన్ నా చేతిల ఉండది” అన్నది నిర్వేదంగా. పిల్లను తీస్కుని రామ్మా అంటే ”వీలు కాదే పని చాలా ఉండది మా అత్తకు బాగుండది” అనేది. మెల్లగా ఆ ఇంత మాట్లాడాడు బంధు పెట్టింది . నగేష్ బాగుంది, బాగలేదు సమాధానం చెప్పేవాడు. దాదాపు సంవత్సరం తర్వాత నానమ్మ చనిపోతే వచ్చింది. మనిషి భారంగా ఉంది కానీ ఎప్ప్లాగే పిల్ల బొద్దుగా ఉంటది కదా పైగా డ్రెస్సు వేస్తుంది. ఏమీ తెల్వలేదు. అప్ప్కి పెద్దమ్మ కూతురు కమల అననే అన్నది ” అదేదో దాస్తున్నది నువ్వు కనుక్కో”మని గుచ్చి గుచ్చి అడిగినా ఏం చెప్పలేదు. ఎంత సేపు నగేష్ కాపలా ఉండేవాడు. ఎక్కడా ఒంటరిగా దొరకనిచ్చేవాడు కాదు. మంజీర కూడా దొరికేద కాదు భయం భయంగా తిరిగింది ఈ మూడు రోజులు ఎప్పుడు పడుకునే ఉండేది.
”ఇంకా ఆగలేక అల్లుడ్నే అడిగింది ఏమయ్యా పిల్ల గర్భవతా” అని దానికి నగేష్ చెప్పిన సమాధానం తిని లావయ్యిందని.
మంజీర ఒక రోజు గబగబ ఎవ్వరూ చూడట్లేదనుకుని పర్సులోంచి ఏదో గోలీ మింగింది గూడ.
”ఏందమ్మా ఏందా గోళీ” అని అడిగితే నగేష్ పరుగున వచ్చి ”ఏం లేదత్తయ్యా పిల్లలు కాకుండా రోజూ గోలీ వేస్కుంటుంది” అన్నాడు ఖంగారుగా.
”అదేంది నగేష్ ఆ మందులతోని మంజీరకు పెయ్యి తిర్గుతుంది కదా ఎన్నేండ్లు వాడిపిస్తవు డాక్టరమ్మ చెప్పినట్లు దానికి పిల్లలు కాకుండా ఆపరేషను చేపియ్యు లేదా నువ్వున్న చేపించుకో” అన్నది కోపం.
”సరే అత్తయ్యా” అన్నాడు పక్క చూపులు చూస్తు. ”ఆఫీసులో అర్జంటు మీటింగ్ ఉందత్తయ్యా” అనుకుంటూ భార్యనీ పిల్లనీ హడావుడిగా తీస్కెళ్ళిపోయాడు. భర్త వెంట మూగ ఆవులా మౌనంగా వెళ్ళిపోయింది మంజీర. తల్లిని తలదిప్పి వెనక్కి చూస్తూ… బిడ్డ గ్నాపకాల్లోంచి బయికొచ్చే సరికి తెల్లగా తెల్లారింది. కోడి కూసింది.
రెన్నెల్లు గడ్సిపోయినాయి.
ఒక రోజు శ్యామల వాకట్లో కూర్చుని జొన్నలు చెరుగుతుంది. ఆ దినం శెలవు కావటంతో పెద్ద కొడుకు హితేశ్ ఇంటిలోనే ఉన్నాడు. హితేశ్ ఊరిలో పేరున్న పశువుల డాక్టర్. ఇంతట్ల పక్కింట్లున్న నర్సయ్య ఉరుక్కుంట వచ్చి ”డాక్టరు సాబు ఒకసారి జప్పున రాండ్రి మా లక్ష్మి నొప్పులు పడ్తున్నది రాత్రికెల్లి” అని ఆందోళనగా పిలిచాడు. వస్త పద అని హితేశ్ లేచి గ్లౌవ్స్ తీస్కుని బయలుదేరిండు. శ్యామల కూడా ఆశక్తిగా పక్కింకి బయలుదేరింది.
లక్ష్మి నర్సయ్య గేద కడుపుతో ఉన్నది నెలలు నిండినాయి బాధతో అరుస్తూ నొప్పులు పడ్తున్నది. హితేశ్ కుడి చెయ్యి లోపల్కి పోనిచ్చి” అరె….. కాల్లు కిందికున్నయ్… శానా సేపయ్యింది కదా నొప్పులొచ్చి ఏదో ఒక పానమే దక్కుతది చెప్పు చిన్న పానంకావాల పెద్ద పానమా” అని అడిగాడు.
నర్సయ్య ”అగో డాక్సాబ్ పశువైనా బిడ్డకంటే ఎక్కువ సాదినా. నాకు పెద్ద పానమే ముఖ్యం లక్ష్మిని బతికియ్యుండ్రి చిన్న పానం పోయినగని ఫర్వాలేదు” అన్నాడు గొంతు రుద్దమవుతుంటే.
”సరే మల్ల దవాఖానికి జల్ది దీస్కరాండ్రి నేను గూడ అచ్చేస్త” అన్నాడు. నర్సయ్య జప్పున లక్ష్మిని దవాఖానల చేర్చి పనిల పడ్డాడు. పదిహేను నిమిషాల్లో హితేశ్ గూడా దవాఖానకు చేరుకున్నాడు.
*** *** *** ***
”ఏమయ్యిందిరా దుద్దెను చంపేశినవా” అంది శ్యామల ఇంటి కొచ్చిన కొడుకుతోి.
అవును… తల్లి పానం దక్కించాల్సిందే బిడ్డను చంపక తప్పలేదమ్మా అన్నాడు హితేశ్. ”అయ్యో పాపం” అన్నది శ్యామల.
ఇంతలో ఫోను మోగింది. చూస్తే మంజీర పేరున్నది. శ్యామల సంబరంగా ఫోనెత్తింది – ”మంజీ బాగున్నవా బిడ్డా” అనింది.
”అమ్మ… చాతనైతలేదే రావే అమ్మా” అంది మంజీర నీరసంగా.
శ్యామల ఆందోళనగా ”ఏమయింది మంజీరా” అన్నది..
అక్కడ్నించి నిశ్శబ్దం తప్ప ఏమీ ఎప్పుడు లేదు.
”మంజీరా చెప్పు బిడ్డా ఏమయ్యింది” శ్యామల మరింత ఆందోళనగా అర్చింది.
”అమ్మ కడుపుతో ఉన్ననే తొమ్మిదో నెలనే” అన్నది మంజీర.
శ్యామలకు ఒక్క క్షణం ఏమీ అర్థం కాలేదు. ”ఏం మ్లాడుతున్నవు మంజీరా” అంది.
”వీళ్ళు వినలే అమ్మ… కొడుకు కావాల్నంట వీళ్ళకు. నాన్నమ్మ పోయినప్పుడు వచ్చిన కదా అప్పుడే నాకు ఆర్నెళ్లు అమ్మా” అంది మంజీర వెక్కిళ్ళు పడ్తూ….
”అయ్యో నువ్వు కనకూడదని చెప్పింది కదనే డాక్టరమ్మ” అంది శ్యామల.
”వీళ్ళు వింటరా అమ్మ… వీండ్లకు నా ప్రాణం కంటే వారసుడే ముఖ్యం” అంది మంజీర సన్నగా ఏడుస్తూనే…
”నన్ను ఏమీ చెప్పకుండ ఉండాలని బెదిరిచ్చిన్రు… ఫోన్ కూడా మ్లాడనీయలే. ఇంట్లకెల్లి బయటకు పోనియ్యలే” మంజీర చెప్తూ పోతున్నది.
**** *** *** ***
”ఆరో నెలల ఆయనకు తెల్సిన స్కానింగ్ సెంటర్ల రహస్యంగా స్కానింగ్ చేపించున్రు మగ పిల్లడని తెల్సింది. ఇగ అప్పడ్కెల్ల ఇంగింత రహస్యంగా ఉంచిన్రు ఈ విషయాన్ని ఎవరకు చెప్పద్దన్నరు’ అంది మంజీరా నీరసంగా.
”డాక్టర్ వద్దన్నదిగా నగేష్ మళ్ళీ ఏంటిది, వదినా మీకన్నా లక్ష్యం లేదా” శ్యామల కోపంగా అడిగింది అల్లుణ్ణి, వియ్యపురాలిని.
5 Responses to హత్య! (కథ) – గీతాంజలి