యత్ర నార్యంతు పూజ్యంతే “…ఇది ఆర్యోక్తి… స్త్రీ ఎక్కడ గౌరవింపబడుతుందో.. అక్కడ సౌభాగ్యాలు వెల్లివిరుస్తాయన్నది … భావం… మరి ఆ స్త్రీకి.. ఎక్కడ లబిస్తుంది…ఆ గౌరవం…? ఆడపిల్ల పుట్టింది అని తెలియగానే.. మొట్ట మొదట అనే మాట…’ఆడ…….’ పిల్ల .. అందులోనే..దూరం మొదలైంది…మరి..
ఆచార వ్యవహారాలు…మూఢ విశ్వాసాలు.. వద్దన్నా మహిళల పాలిట శాపాలుగా మారుతున్నాయి.. దానికి తోడూ ప్రకృతి సహజంగా.. పడతికి శారీరక బలహీనతలు… (కీచక ) మగవాళ్ళకి ఆయువు పట్టులవుతున్నాయి.. ఎక్కడ చూసినా..అత్యాచారాలు… సాముహిక మానభంగాలు…. పసి కూన దగ్గరి నుంచి.. అరవయ్యేళ్ళ వృద్దురాలయినా కూడా.. తమ కామ దాహాన్ని తీర్చుకోవడానికి… వెనుకాడక…నరరూప రాక్షసులు గా మారుతున్నారు… మానం మాతృత్వానికి మారు రూపం అన్న నిజాన్ని మరచిన నపుంసకులు… రెండు నిమిషాల సుఖం కోసం.. నిండు జీవితాలని బలిచేసే..రాబందులు..
ఈ ఆగడాలను అరికట్టాలంటే… తరలి రావాలి…తరుణులంతా.. ఆది శక్తి అంశలో జన్మించిన బలం చేతబూని.. అపర రుద్రమలై..అంతమొందించాలి ‘ఆ’ కలిపురుషుల..
అమ్మ తనం అమ్మాయిలదని చాటుతూ.. జగతిని ప్రేమమయంచేయ.. అవతరించాలి..ఎందరో.. మదర్ తెరిసాలు.. చేతులెత్తి మొక్కాలనిపించే… సౌశీల్యాన్ని సొంతం చేసుకొన్న స్త్రీ మూర్తులు….!
5 Responses to స్త్రీ మూర్తులు…..(కవిత ) -సుజాత తిమ్మన