తను…!!

sobha

ముద్దుగా బొద్దుగా నేను
ఎర్రగా పీలగా తను

హుందాగా ముందు బెంచీలో నేను
పక్కనే కాస్త దూరంగా తను

నీ పేరేంటి కళ్లతో ప్రశ్నిస్తూ నేను
మీతో మాట్లాడొద్దట కదా తను

ఏం ఎందుకనీ కోపంగా నేను
ఏమో మా అమ్మ చెప్పిందిలే తను

కొన్నాళ్లకి…….

ఏయ్… నాక్కూడా కాస్త మిగల్చవే నేను
నా బాక్స్ ఉందిగా తినవే – తను

నాతో మాట్లాడకు మీ అమ్మ తిడుతుంది నేను
నాతో మాట్లాడకపోతే నేను తిడతాను తను

ఇంతకీ మీ అమ్మ ఏం చెప్పిందేంటి నేను
మీరు తక్కువ కులమోళ్లట కదా… తను

అట్లయితే నా బువ్వ కూడా తినేస్తున్నావేం
అయితేనేం… నువ్వు నా “ఫ్రెండ్‌”వి కదా…!!

– శోభ

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

కవితలుPermalink

14 Responses to తను…!!

  1. నగరాల విషయంలో కొన్ని భ్రమలను వదిలించుకుంటే బాగుంటుంది. పల్లెల్లో కులం బయటకే కనబడుతూ ఉంటుంది. నగరంలో బయటకు కనబడకపోయినా అది వ్యక్తుల అంతరంగాల్లో కనబడుతూంటుంది.తేడా అల్లా ఇదే. నగరాల్లో కూడా ఇప్పటికీ కులం ఇంటిపరిధిలో అన్ని రకాలుగా బతికే ఉంది. నగరాల్లోని మెజారిటీ కుటుంబాల్లో వివాహాలు నేటినీ కులాల గోడల మధ్యనే భద్రంగా దాక్కుని ఉన్నాయి. తమ వంటగదిలోకి, పూజగదిలోకి దళితులను రానిచ్చే దొడ్డ కుటుంబాలు పట్టణాల్లో ఎన్ని ఉన్నాయో సర్వే చేస్తే కాని భండారం బయటపడదు.

    దళితులకు ఉద్యోగాలు దొరకని, ఇవ్వని రంగాలు నగరాల్లో బాగా పెరుగుతున్నాయంటే నమ్మశక్యం కాదు.. వాళ్లు మనుషులే కాదనే విష భావజాలం నేటికీ పట్టణాల్లో రాజ్యమేలుతోంది.

    పైకి ఎన్ని నాజూకు మాటలు చెప్పినా.. కులం పల్లెల్లోనూ, పట్నంలోనూ, నగరం లోనూ కూడా ఇంకా సారాంశంలో ఘనీభవించే ఉంది.

    ఇలా అంటున్నానని కవిత బాగా లేదని కాదు..తగలవలసిన చోట సూటిగా తగులుతోంది.

    కానిీ.. తను.. నేను అనే పదాలను మధ్య పాదాలలో కొన్ని చోట్ల చుక్కలు పెట్టి కాస్త స్పేస్ ఇచ్చి ఉంటే ఇంకా అర్థవంతంగా ఉండేదనుకుంటాను.

    ‘బందిపోట్లు’ కవిత రాసిన సావిత్రి గారు.. పితృస్వామ్యానికి గతంలో చిరస్థాయి నిర్వచనం ఇచ్చారు.

    ఈ కవిత కులాతీత స్నేహానికి అసలైన అచ్చ తెలుగు స్పందనగా తయారైంది. నేరుగా, సూటిగా, ఎలాంటి వంకలూ, శంకలూ లేకుండా… కులం గబ్బును.. ఒకే ఒక్క పదబంధంతో (నువ్వు నా “ఫ్రెండ్‌”వి కదా…!!) కడిగేస్తున్న ఈ చిన్నికవితను పాఠ్య పుస్తకాల్లో చేర్చి బోధించాలి.

    నాకయితే గున్నమామిడీ కొమ్మమీదా గూళ్లు రెండుండేవి అనే ఆ ఆపాత మధుర గానం మళ్లీ మంద్రమంద్రంగా మలయమారుతంలా తేలి వస్తున్నట్లు అనుభూతి కలుగుతోంది.

    • Shobha says:

      Mee vivaranaatmaka spandana dhanyavaadalu Raju gaaru… Patta pusthkaallo cheers arhata vundo ledo gaani… Mee matalu naa kavithaki balaanni isthunnadu… Thank you..

  2. BHANDARU VIJAYA says:

    కవితలన్నీ చాల బాగున్నాయి, ముక్యంగా ఒల్గాగారి కవిత మరియు శోబాగారి కవితలు బాగున్నాయి

  3. బాగుందమ్మా.చాలా బాగా రాశావ్

  4. Thirupalu says:

    ఆధిపత్య భావజాలాన్ని కొనసాగించు కోవటంలో కులం ఒక జోకర్‌!

  5. ఇప్పటికి ఇలా లేదనా..!? కాకపొతే పెద్దలు చెప్పినా చెప్పకపోయినా పిల్లల్లో పాఠశాల, కళాశాల ల సాక్షిగా ..ఈ భావ జాలం వ్యాప్తి చెందుతూనే ఉంది . స్నేహం ఆ అడ్డుగోడాలని క్రూల ద్రోస్తుంది. ఇది నిజం

    • శోభ says:

      స్నేహం కులం అడ్డుగోడల్ని కూలదోస్తుంది.. నిజం వనజగారు

  6. hyma reddy says:

    చాలా బాగుంది. కొన్ని చోట్ల ఇప్పటికీ ఈ భావజాలం కనిపిస్తుంది..

  7. Akash says:

    ఇంకా ఈ కాలంలో కూడా కులాలు మతాలు పట్టించుకుంటున్నారా? నగరాలూ ఒకందుకు మేలు అనుకుంటా ఈ విషయాలు పెద్దగ పట్టించుకోరు …

    • శోభ says:

      ఇంకా ఈ కాలంలో కులాలు, మతాలు పట్టించుకుంటున్నారా అంటే… పల్లెటూళ్లలో ఎప్పుడూ పట్టించుకుంటూనే ఉన్నారు ఆకాశ్ గారు.. మొన్నామధ్య ఊరెళ్లినప్పుడు కూడా కళ్లారా చూశాను కూడా. అలాగని అన్ని పల్లెల్లోనూ ఇలా ఉండాలనేం లేదు. మీరన్నది నిజమే.. నగరాలు ఈ విషయంలో మేలే. మీ స్పందనకు ధన్యవాదాలు.

Leave a Reply

Your email address will not be published. Required fields are marked *

(కీబోర్డు మ్యాపింగ్ చూపించండి తొలగించండి)


a

aa

i

ee

u

oo

R

Ru

~l

~lu

e

E

ai

o

O

au
అం
M
అః
@H
అఁ
@M

@2

k

kh

g

gh

~m

ch

Ch

j

jh

~n

T

Th

D

Dh

N

t

th

d

dh

n

p

ph

b

bh

m

y

r

l

v
 

S

sh

s
   
h

L
క్ష
ksh

~r
 

తెలుగులో వ్యాఖ్యలు రాయగలిగే సౌకర్యం ఈమాట సౌజన్యంతో

Enable Google Transliteration.(To type in English, press Ctrl+g)